Theiriat bial lo pian dan :

United Pentecostal Church NEI, Lunglei District, District Conference vawi 25-na, 1990-a neih, Rorel No. 1-na chuan, ‘Chanmari bial hi then ni se’ tiin a rel a. Thawktu lak leh ramri then fel chu District Board kutah awm se a ti a ni. Hetih hun lai hian ‘Headquarters bial’ kan tih hi, ‘Chanmari bial’ tih niin, tuna Luangmual bial leh Theiriat bial zawng zawng hi a la huam vek a ni.

Tichuan, District Board vawi 87-na, Ni 30th April, 1990-a neih, Rorel No. 4-na chuan bawhzuiin, bial Centre atan, ‘Theiriat’ ni se, a huam tur khua chu, Theiriat, Hrangchalkawn, Thaizawl, Bualte, Sairep, Hlumte, Zobawk, Dawn leh Ralvawng te an ni ang’ tiin a rel a ni.

Pastor hmasa :

District Board Vawi 87-na, Rorel No. 6 chuan, Bialtu Pastor hmasa ber atan, Pangzawl bialtu Pastor ni mek, Pastor. R. Lalrosanga chu a ruat a, ani hian rorelnain a rel angin, Ni 1 June, 1990-ah mawhphurhna lain, June thla chhungin, Chhangchhe bungbawr takin an pem lut a ni. Tin, Theiriat bial Secretary/Treasurer hmasa ber atan, District Board chuan Bro. C. Chawnthuama chu a ruat nghe nghe.

Pastor Quarters chungchang :

Pastor. R. Lalrosanga te chhungkua an pem luh tirh hian, Tuna Pu C. Malsawma te in hmun hi, Pu Biakkima te in awmna a ni a, chutah chuan invawm lutin, Thla khata Rs. 300/- chawiin an luah ta a. Thla khat emaw chauh chu ta an awm hnu chuan, Pu Sangkunga (Pu Vala) zirtirtu, Hrangchalkawn lamah a insawn phei a, a In chu a lo ruah tak avangin, Bial Kohhranpui chuan theih ang tawka dawrin, Rs. 7000/- in an lei ta hlauh mai a ni. He in hi L-Shape-a sak, a chung Rangva, a Skirting thleng Thingphel, a bang dap, a chhuat Cement a ni.

Chei a ngai nasa tawh a, hnatlang te kovin Quarters cheiin an hnatlang a, hemi cheina tur hian Pu Thangtawna’n phal takin a mau a sahtir nghe nghe a, Kohhranhote an lawm hle a ni.

Hun a lo kal zel a, Quarters pawh chu sak that a lo ngai ta a, Kum 1996-1997 vel khan Rev. Lalchhara bial laiin, Lei chhuat ringin, tha takin Pastor Quarters chu sak a ni. Thahnemngai takin Bial mipuite leh Theiriat Local ten sain luah theihin an peih ta thuai a ni.

Pastor Quarters hmun thleng thu :

Pu S. Lalnunthanga te In, LSC 776 of 1986 (tuna luah lai) chu Ni 16 September 2010 khan Rs. 1,90,000/- (Nuaikhat leh singkua) pek belhin, inthlengpui a ni ta a. RCC ruhrel a ni a, a hmun hma leh Building tê deuh mahse; a chung leh a hnuai siam thain, vawi eng emaw zat chei that a ni bawk.

Tuna Pastor Quarter neih dan :

Tuna Pastor Quarters sak mek hi Pu F. Lalramtiama te In a ni a, Rs. 5,00,000, District-in pek belhin, Quarters hlui (tuna kawn a mi khi) inthleng leh a ni. Quarters sakna tur hian District-in Rs. 20,00,000 an pe a, bial chhung Kohhranhote pawh an hah hle. District chuan pek belhin luah theiha peih fel tep tawh a ni.

Bialtu Pastor lo ni tawh te :

A hnuai ami ang hian, Theiriat biala Bialtu Pastor lo awm tawh te an ni :

Bial Secretary lo ni tawh te :

Bial Treasurer lo ni tawh te :

Tun 2025 - 2026 Bial hruaitu ni mek te :