Pennet

A TOBUL :

UPC Lunglei District Conference vawi 46-na Dt.28.2.2011 Rorel no 14-na chuan Media Visual din nise a tih angin District Board vawi 162-na rorel no 17-na chuan dinin a hming atan UPC Media Visual Cell (UMVIC) nise tiin a rel a, hruaitu atan heng mi te hi a ruat nghal. Chairman : Pastor C.Vanlalena Secretary : Evan.F.Lalhmangaiha Treasurer : Rev.Ralkapkunga Khiangte Technician : Upa Lalduhthlanga Members : 1. Rev.C.Lalrintluanga 2. Evan. Jerry Lalmuanawma General Media Cell Rorel no 2-na chuan District Media Cell-te hming in ang tlang neih nise a tih angin kum 2014 atangin UMVIC tih chu Pentecostal Network (Pennet) Lunglei tiin thlak a ni ta a ni.

THAWKTU :

UMVIC a din tirh hian a nghetin thawktu neih a ni lo a, Committee in tih tur a ruahmante chu Committee member-ten an bawhzui mai thin. Hetiang hian kum 1 chuang kal anih hnuin Evan. Jerry Lalmuanawma, College Veng chuan kum 2012 April ni 1 atangin UMVIC ah hian Editor hna a thawk a, ani hian kum 2015 March thla thlengin a thawk a ni. Evan.Jerry Lalmuanawma hi Pastor atana lak anih avangin kum 2015 April ni 16 atangin Bro.K.Lalrintluanga, Luangmual chuan Editor hna hi a thawk chhunzawm a ni. Kum 2017, April ni 1-ah MR-in thawktu (Technician) atan Evan.Remruatpuia Fanai lak a ni a, February ni 16, 2025 atangin Casual Worker atan Bro.C.Lalduhawma chu lak niin, tunah hian mi 2 thawktu an awm mek. Thawktu te tha tichak a, a tul anga puibawm tur hian Cameraman inruat thin a ni a, Bro.K.Lalhmunmawia leh Bro.A.Lalchhuanawma ten hun rei tak Cameraman hna an thawh hnuin anni bakah hian kum 2015 atangin Bro.MC.Lalvenhima chu ruat belh a ni. Kum 2018 hnulamah thawktu mi 2 te bakah hian Bro.TC.Lalramchhanmawia, Bro.Thomas K. Lalrinliana, leh Bro. A.Laldinthara te chu a tul angin Cameraman tur hian pawh an ni thin a, anni’n thahnemngai taka min thawhpuina avangin mawi leh tha takin kan thlalakte a chhuah theih phah thin a ni.

HMALAKNA :

Committee hmasa ber chu Ni 25, March 2011-ah neih a ni a, Lunglei District thu thar te hmun hrang hrangah theh darh anih theih nan hmalakna chak takin kalpui a ni a, hmanraw mamawh leh thil tul dang hrang hrangte pawh a tul angin lei chhoh a ni a, hetiang hi hmalakna hrang hrang te an ni:

NEWS SERVICE :

CHANCHINBU : UMVIC Committee vawi 5-na chuan kum 2012 khan Weekly News Paper tihchhuah nise tiin a rel a, a hming atan ‘Pentecostal Weekly’ tih a ni. Kum 2014 thlengin tluang taka tihchhuah anih hnuah kum 2015 February thla atangin Weekly-a tihchhuah thin chu Bi- Monthly in tih chhuah tawh nise a tih angin Bi-Monthly-a tih chhuah a ni. Kum 2015 Pennet Committee vawi 11-na Rorel No. 2 na chuan Pentecostal Bi-Monthly chu a hming ‘Thuhriltu’ tiin thlak a rel a, hei hi tun thlengin hman chhunzawm a ni a, tunah hian Copy 1675 tih chhuah a ni a, Local 90 chuangah thawn chhuah a ni. District news/thuthar te a hma thei ang berin theh darh thin a ni a, a tul angin Cable TV lamah te Radio leh Makedonia lamah te an tihchhuah atan thawn darh thin a ni. Tin, kar tin General Pennet Co-ordinator hnenah kan District thu thar te hi thawn thin a ni. Kohhran thuthar thehdarhna atan hian Facebook ah Pentecostal Network Lunglei tiin Group siam a ni a, hetah hian Lunglei District News chu a hmasa berin dah thin a ni, hemi hnu hian whatsapp group hrang hrangah dah thin a ni bawk.

VIDEO SERVICE :

TV PROGRAMME : UPC Lunglei District hmalakna leh Programme pawimawhte miten Television (TV) kaltlanga an hmuh theih nan theihtawpin hma lak a ni. December ni 22, 2014 khan Pennet Lunglei hmalaknain 1 hour video programme pek chhuah anih theih nan Lunglei a Cable Operator-te LDF leh JB neitu te nen inremna siam a ni a, Jan.ni 22, 2015 ah hawn niin, a hawngtu hi Rev.C.Darkhuma a ni a, Feb.ni 1, 2015 atangin pek chhuah niin he Video programme hi kum 2018 thleng kalpui a ni. 1 Hour Video Programme hi kan duhkhawp loh deuh tak avangin 24 Hour a Video Programme kan pek chhuah theihna turin Channel nei turin hma lak a ni. Kum 2017 khan LDF Cable Network-ah Channel kan neih theih nan chak takin hma lak a ni a, Upa PC.Lalduhthlangan channel kan neih theihna turin nasa takin hma min laksak a, ani’n min buaipuina avangin LDF Cable Network-ah chuan 24 hour Video Programme chu neih a lo ni ta a, UPC Lunglei District Conference vawi 53-na Headquarters Biak In a neih lai March ni 3, 2018 Inrinni zan inkhawm ah a hunlaia District Superintendent Rev.R.Lalrosangan he Channel hi a hawng a ni. Tin, Lunglei a Zonet jb an rawn inbun hnu khan 24 hour video prog. kan pek chhuahna tur Channel kan neih theih nan hma lak a ni a, chak taka hma lak anih hnuin February ni 16, 2021 ah khan District Superintendent Rev.C Vanlalena’n a hawng leh ta a ni. Tunlai khawvel changkanna thang chho zelah TV Programme in en a hlawh tawk tawh loh avangin Pennet Board chuan heng 24 hour video prog LDF leh Zonet JB lama kan pek chhuahte hi tih tawp mai a tha angem tiin District Board-ah a thlen a, District Board vawi 216-na March ni 3-4, 2025 chhunga neih chuan 24 hour video prog chu tihtawp nise tiin a rel ta a ni. Pennet Lunglei hian District huap thil tih, Bial leh Local ni pawimawh bakah prog.pawimawha sawmna kan hmuhah te hian Pennet thlalakna awm chi anih chuan thla kan la thin a, Live ngai a awmin kan hmanraw hmangin kan Live thin. Pennet-in Live na atan a kan hman thin khawl Data Video Switcher HS 1300 hi October ni 1, 2021 khan lei a ni a, a hunlaia Pennet Chairman Rev.PC.Lalfakawma chuan Pathian hnenah tawngtainain a hlan.

OTHER SERVICE :

1. YOUTUBE CHANNEL : Khawvel hmasawn zelah Youtube hmangtu kan tam zel avangin Pennet Lunglei pawhin Youtube channel chu February, 2019 khan a siam vein, kohhran mi te hlut a hlawh hle a, Subscriber pawh an pung chakin kan hla dah pakhat Sailo Lalsangzualin ‘Tuinung Lui’ tih a sak phei chu 1 Million View a tling hial a ni. Youtube channel ah hian kohhranin activities kan neih hrang hrangte dah luh thin a ni a, kum 2023 khan buaina tawkin kan channel chu tu tih kan hriat loh ten min tihchhiatsak a, thawktuten ngawrh takin kan neih let leh nan hma la mah se kan neih let leh theih tak loh avangin a thar siam leh a ni. 2. PENNET LUNGLEI PHOTO GALLERY : Pennet Lunglei in hmun hrang hrangah thla kan la a, heng kan thlalak (Photo) te hi mipuiten awlsam zawka an hmuh theih nan tiin Facebook lamah Photo Gallery hi siam a ni a, hetah hian thlalak te dah thin a ni a, mipuiten an hlut hle. Tunah hian Followers engemawzat neih a ni tawh.

HRUAITUTE :

Media Cell, Lunglei District-in a din tirh Kum 2011 atanga hruaitu nihna chelh tawh te chu heng mi te hi an ni:

KUM 2011 - 2012 :

Chairman : Pastor C.Vanlalena Secretary : Evan.F.Lalhmangaiha Treasurer : Rev.Ralkapkunga Khiangte Technician : Upa Lalduhthlanga Members : 1. Rev.C.Lalrintluanga 2. Evan.Jerry Lalmuanawma 3. Evan.C.Lalthlamuana Adviser : Rev.R.Lalrosanga

KUM 2013 - 2014 :

Chairman : Rev. C.Vanlalena Secretary : Evan.F.Lalhmangaiha Treasurer : Bro.Lallawmawma Members : 1. Rev.Ralkapkunga Khiangte 2. Evan.Jerry Lalmuanawma 3. Evan.Remruatpuia Fanai 4. Rev.C.Darkhuma 5. Rev.C.Lalrintluanga 6. Upa PC.Lalduhthlanga

KUM 2015 - 2016 :

Chairman : Rev. C.Vanlalena Secretary : Bro. K. Lalrintluanga Treasurer : Bro.Lallawmawma Members : 1. Rev.Ralkapkunga Khiangte 2. Upa C. Lalhmangaiha 3. Evan.Remruatpuia Fanai 4. Rev.C.Darkhuma 5. Rev.C.Lalrintluanga 6. Upa PC.Lalduhthlanga 7. Evan.C.Lalremchhunga 8. Evan.F.Lalhmangaiha

KUM 2017 - 2018 :

Chairman : Rev. C.Vanlalena Secretary : Bro. K. Lalrintluanga Treasurer : Sist.R.Khawngaihzuali Technician : Evan.Remruatpuia Fanai Members : 1. Rev.C.Lalrintluanga 2. Upa C. Lalhmangaiha 3. Upa Lallawmawma 4. Rev.R.Lalrosanga 5. Upa PC.Lalduhthlanga 6.Rbt.H.Lalpianfela

KUM 2019 - 2020 :

Chairman : Rev. C.Vanlalena Secretary : Rbt. K. Lalrintluanga Treasurer : Sist.R.Khawngaihzuali Technician : Evan.Remruatpuia Fanai Ex Officio : 1. Rev.C.Lalrintluanga 2. Rev.PC.Lalfakawma

KUM 2021 - 2022 :

Chairman : Rev. PC.Lalfakawma Secretary : Rbt. K. Lalrintluanga Treasurer : Sist.R.Khawngaihzuali Technician : Evan.Remruatpuia Fanai Ex-Officio : 1. Rev.C.Lalrintluanga 2. Rev.C.Vanlalena

KUM 2023 - 2024 :

Chairman : Rev. C.Lalrintluanga Secretary : Rbt. K. Lalrintluanga Treasurer : Sist.R.Khawngaihzuali Technician : Evan.Remruatpuia Fanai Member : Rev.Lalbiakdika Chawhte Ex-Officio : 1. Rev. PC.Lalfakawma 2. Rev.C.Vanlalena

KUM 2025 - 2026 :

Chairman : Rev. K. Vanlalhruaia Secretary : Evan.Remruatpuia Fanai Treasurer : Sist.Rachel K. Lalhmangaihzuali Technician : Bro.Lalduhawma Ex-Officio : 1. Rev.C.Lalrintluanga 2. PC.Lalfakawma