Lunglei Distict in dan hma khan Lunglei khawpuiah Pastor dah a la ni lo a. Ni 21.5.1966-a Evan. H. Tebawnga District Pastor-a thlan a nih khan, “Khawpui section-tu ni nghal se” an ti a. Hei hi khawpui section din tanna a ni. ‘Lunglei section’ tih emaw ‘Khawpui section’ tih emaw a ni thin.

Kum 1967 April-ah J. Laltluanga chu khawpui section-tu atan ruat a ni a. Quarters te a la awm loh avangin in luah tur remchang apiang an luah mai a. Rev. Lalthima khawpui section-tu a nih atangin Pastor Quarters chu Rahsivengah sak a ni ta a.

Kum 1980-a District Conference chuan khawpui chu section hniha then a pass a, ‘Lunglei South’ tih leh ‘Lunglei North’ tiin vuah a ni a. Kum 1985 District Conference-in Lunglei North chu Section hniha siam a pass leh a, ‘Rahsiveng Section’ tih leh ‘Pukpui Section’ tiin then a ni a. Khawpui chhung section khata a awm laia Rahsivenga Pastor Quarters sak kha tha takin, Rahsiveng Section Pastor Quarters atan an la enkawl ta zel a ni.

Hetih laia Rahsiveng Section huam chin Local te chu :
1. Rahsiveng 2. Bawng veng (Venghlun ni ta) 3. Hauruang 4. Runtung 5. Vanhne 6. Thehlep 7. Pachang te an ni.

Section Board vawi 1-na : Ni 23.4.1985-ah Rahsiveng Section Section Board vawi 1-na Pastor Quarters-ah neih a ni a, hengte hi Department section hruaitu atan thlan an ni :

1. LAD :
President : R.Thangchhungi, Bawngveng
Secretary/Treasurer : Hmangaihi, Hauruang

2. PYD :
President : C.Lalhmingmawia, Thehlep
Secretary/Treasurer : Lalthianghlima,Chawngthu, Rahsiveng

3. Missions Department :
Director : Evan Hrangmawia, Rahsiveng
Secretary/Treasurer : Lalenga, Rahsiveng

4. Sunday School Dept :
Director : Evan Lalchhara, Bawngveng
Secretary/Treasurer : Upa K.Zaikhuma, Bawngveng

Kohhranpui Sectional Pastor leh Section hruaitu lo ni tawh te : Section-tu Pastor :
1. Rev. PC.Lunghnema
2. Rev. PC. Doliana
3. Rev. Lianhranga
4. Rev. T. Bualzika
5. Rev. R. Lalrosanga
6. Rev. PC. Nghakliana
7. Rev. Zalawma
8. Pastor K. Lalchamliana
9. Rev. Ralkapkunga Khiangte
10. Rev. PC. Lalrosanga
11. Rev. P. Lalthanga
12. Rev. C. Lalhriatpuia
13. Rev. PC. Lalfakawma ( District Treasurer-in a hmui)
14. Rev. B. Kamliana
15. Rev. LH. Lalchhandama

Section Secretary ni tawhte :
1. Evan Saithanga Sailo, Bawngveng
2. Upa K. Zaikhuma, Bawngveng
3. Evan MC. Vanlalhuma , Rahsiveng
4. Upa LH. Sanghluna, Rahsiveng
5. Upa H. Lalrintluanga, Zion,Venghlun
6. Upa C. Lalhmangaiha, Venghlun

Section Treasurer ni tawh te :
1. Evan Saithanga Sailo, Bawngveng
2. Upa K.Zaikhuma, Bawngveng
3. Evan MC.Vanlalhuma , Rahsiveng
4. Upa LH.Sanghluna,Rahsiveng
5. Upa H.Lalrintluanga Zion,Venghlun
6. Upa C.Lalhmangaiha Venghlun
7. Upa PC.Lalnunmawia, Rahsiveng

Pastor Quarters : Kum 1985 District Conference-in Lunglei North chu Section hniha siam a pass khan ‘Rahsiveng Section’ tih leh, Pukpui Section tiin then a ni a. Khawpui chhung section khata a awm laia Rahsivenga Pastor Quarters sak kha tha takin, Rahsiveng Section Pastor Quarters atan an enkawl ta zel a ni.

Rahsiveng Section Board Meeting neih hmasak ber Ni 23.4.1985 chuan target te siamin sak chhunzawm dan tur a ngaihtuah ta nghal a ni. Hun te a lo kal a, a tira sak pawh sak that a lo ngai a, 1993 khan Pastor Quarters thar sa turin hmalak tan leh a ni a, chu chu sa zoin kum eng emaw chen luah a ni a, chumi hnuah tuna luah lai hi District-lamin Rs. 20,00,000/-( Cheng nuai sawmhnih ) tumin, Section-in Rs. 8,00,000/- vel an seng bawk a , Ni 25.1.2024 khan Rev. C. Lalrintluanga, District Secretary-in hawngin luah luh a ni .

Hmalakna thenkhatte : 1. Hun rei tawh tak atang khan Missionary pakhat chawm a ni.
2. Section chhungah Financial campaign neih thin a ni.
3. Section chhung rawngbawltute tan Seminar vawi eng emaw zat neih tawh a ni.
4. Section chhunga Local ten Rawngbawltu Ni hmang thin tura rel a ni.
5. Section chhunga rawngbawltu leh Section Department Head boralte section-in ral thin a ni.
6. Section inkhawmpui kum tin neih a ni a, Section chhung Local ten an indawl chhawk thin.
7. Rahsiveng Section hian District-ah agenda eng emaw zat a theh lut tawh a, a langsar zual hriat theih chin te :-
1) District lama kan hotu ten inang tlanga kan hman theih turin Inneih Register hi lo buatsaih se. (1992-a thlen)
2) PMD hming leh a kaihhruaina Dan hi mumal zawk a neih ni se. ( 1997 )
3) District Conference-a Upa palaite hian Election-ah vote nei ve tawh se.(1996)
4) General Hqrs. Shillong a mi hi Mizoramah sawn ni se.( 1998)
5) N.E.I UPC pumpui hian Emblem system a rawng (colour) inang hman ni se.(2000)
6) Mission Department hmalakna hi Department ang mai ni lovin Kohhranpui hmalaknaah dah ni rawh se. (2003)
7) PCD zirlaibu thar siam leh ni se. (2003)
8) Kohhran inchhiar dan mumal zawk neih ni se. (2003)
9) Kan Kohhran School hi English medium a nih angin enkawl ni rawh se. (2004)
10) District-a thawktute Quarters hi number fel tak siamin, chung luahtu tur te chu fel takin ruahman ni rawh se. (2004)
11) Nauhlan certificate/Baptisma certificate –ah hian counterfoil lamah pian ni a lang lo a, Counter foil lama a thu ziak leh Certificate lama a thu ziak te hi inangin dah ni rawh se. ( 2004)
12) District Superintendent Motor Indigo hi tiralin Motor dang pahnih Diesel Engine lei ni rawh se. (2004)
13) Pastor pension te hi Re-employ theih dan siam ni se. (2007)
14) Lunglei District UPC hian Mautam tuar mek te tanpui ve ni se. (2008)
15) District Board member siam belh/District Board tih len. (2008, 2012.2015,2018)
16) Sacrament, wine leh chhang hi a tul huna hman atan District hian stock nei reng rawh se. (2009)
17) Kohhran Calendar hi District –in Kohhran chhungkua zawng zawng hnenah a thlawna sem turin kum 2010 atangin buatsaih rawh se. (2009)
18) NEI UPC constitution Articles 8 Sl.No 5-naah leh Lunglei District inkaihhruaina dan Bung 15-ah hian Kohhrante hriatpuia inneihna dan hi belh chhahin, Dan 2-naa Isua hminga Kohhran hriatpuia innei duhte inneihna dan siam ve ni se.
19) Lunglei District chhunga Group/Team/Society dintu ten an hmingah Pentecostal tih hi hmang tel kher lo se.
20) Lunglei District UPC-a thawktute Recruitment Rules mumal taka siam ni se. (2012)
21) Kohhran hian Bible pawm bik neih ni se. (2013)
22) Kohhran thurin hi Kohhran mipui ten kan chhiar theih nan chhut chhuah ni rawh se. (2014)
23) UPC North East India pualin Missionary Day hi neih ve ni rawh se. (2014)
24 ) NEI Executive board-in dan 2-naa Inneih ang khata hman ni se a tih, District thuneihna a pek let hi Lunglei District chhunga mite hian Dan 2-naa inneih hi Biak inah hman ni rawh se. (2016)
25) Co-opted member Tual Upa tia dah hi Church Board member tia dah leh ni rawh se. (2017)
26) Kohhran hian thurin bu siam ve ni se. (2018)
27) District Conference palai neih theih dan tuna kan hman lai mek hi tih danglam ni se. (2018)
28) Kan Manual hi tun aia Rawngbawltu ten kan hriat bel theih nan District hian hma la rawh se .(2018)
29) Kohhran Certificate hrang hrang Re –issue hi District atanga Re-issue tur a nih rau rau chuan, Tualchhunga Register te hi a copy siama District-a theh luh zel ni se. District-in Tualchhung recommend ngai lovin Register atang chuan issue zel tawh se. (2018)
30) ASC Home-a thawktute zingah hian MSW pass tal awm ve turin Kohhranin hma la se, a tul chuan thawktute zing a mi pawh MSW zirtir leh ni mai se.
31) Kohhran ni pawimawh’Beirual te, Tumkau ni te, etc. ti buai thei zawngin District leh Section leh Local ten programme siam loh ni se. (2019)
32) District Superintendet hi a term a hman zawh chuan Section-ah chhuak zel rawh se. (2019)
33) District PCD hian a hrana Target siam loin District Kohhranpui hian sum pe thin se. (2020)
34) Nupui pasal nei nawn, Dan khatna tlin lo tan Dan 2-naa inneih ve theih ni se. (2020)
35) NEI huam chhunga naupang pawl din a nih chuan Pentecostal Children Department (PCD) tih ni se, Paho pawl hi Pentecostal Men Department(PMD) tih ni rawh se. (2020)
36) Lunglei District hian Upate pualin training buatsaih thin se. (2023)
37) District inkaihhruaina Danah hian Local Church Board leh Section OB tura post hi fel fai takin ziah lan ni rawh se. (2023)
38) Section-a Department Adviser hi Pastor bakah anmahni Departrment-in pakhat dang thlan belh thei se. (2024)
39) Section Chairman-ah hian Section-tu Pastor ni lovin, Upa emaw License holder emaw ni se. (2024)
40) Krismas leh Kum thar vuak veta Kohhran Office khar hi sawrkar kalphung ang deuha kal ni se. (2024)
41) Lunglei District chhunga Kohhran hmun leh ram Land Lease la tih fel loh zawng zawng te hi tifel turin District-in chak takin hma la rawh se. (2024)

Kum 2025 Half yearly report atangin : A. Local awm zat : 8
1. Rahsiveng
2. Venghlun
3. Zion, Venghlun
4. Sazaikawn
5. Vanhne
6. Hauruang
7. Runtung
8. Thehlep te an ni.

B. Member zat :
Mipa : 1082
Hmeichhia : 1160
Total : 2242

C. Chhungkua zat : 508

D. 2025-2026 Section Kohhranpui Hruaitute :
Section Chairman : Rev. LH. Lalchhandama
Section Secretary : Upa C. Lalhmangaiha
Section Treasurer : Upa PC. Lalnunmawia