Lo pian chhuah dan

Rahsiveng Local Church Board Committee hnenah in dan dilna chu an theh lut a. Anni hian Committee-ah ngaihtuahna neiin an sawi ho a, Rahsiveng Section Board Committee-in a ngaihtuah turin an pe chhawng leh a. Section Board-in a ngaihtuahin a rel a, in dang duhte ho hi Bialtu Pastor ten enin inbiak hona te pawh neih a ni bawk.

Kohhran boruak a chhiat hlau tak leh, fimkhur takin member awm tur chinte pawh uluk tak a lak khawm a ni.

A tawpah chuan Section Board Committee thu tlukna leh District hruaitute thurawnnate kalpuiin, anmahnite koh khawmna, Ni 2.12.2025 (Tuesday) zan dar 7:00 pm-ah chuan Bro. C. Lalhmangaiha inah, Section Pastor ni lai, Rev. LH. Lalchhandama kaihhruainain Kohhran upa leh hruaitu tur ruatna neih a ni.

He inhmuh khawmnaah hian, Kohhran in dan leh inkhawm hran hun tur leh Kohhran hming turte tih fel nghal a ni bawk.

Inkhawm hranna atan hian Rahsiveng Local Building Assam Type 24x24 sq.ft vengthlang a mi chu ni se tiin ruat a ni. Hetiang a lo nih takah chuan Rahsiveng Local Church Board Committee chuan, Ni 3.01.2025 (Inrinni)-ah Kohhran hnatlang a puang a, mi 100 chuang te hnatlangin in dang tate hi hnatlan ni hian Rahsiveng Local hian hengte hi a pe a ni.

• (1) Belpui - 1 leh Dekchi – 2
• (2) Bench - 10
• (3) Cyclinder - 2 (Commercial)
• (4) Inverter thar (Set) khat
• (5) Sound full set (A thar)
• (6) Thingpui inna no - 100
• (7) Chaw ei thleng - 100
• (8) Thingzai – 4x4 - 9
• (9) Rangva - 1 ½ bandle (9 ft)

Mimal atangin Kohhran mamawh em em, pawimawh si, Dar pawh rik Evan. MC. Vanlalhuma,Rahsiveng te chhungkuain an pe bawk a ni.

In dang turte hian Bench - 12 lai, hnatlangin an siam a, hei bakah hian Pulpit an lo insiam sa bawk.

Kohhran in dan inkhawm hman ni hun ruatah hian, Mi 200chuang inkhawm a ni a, thilpek pawh hemi ni hian an dawng nual a ni.

Inkhawm banah hian inkhawm ho te tan thingpui leh a hmeh, sawhchiar hlim taka ei ho a ni.

Hruaitu tharte nen Pastor hovin Committee neih chhunzawm a ni a, Department heng ho - Missions Department, Sunday School Department, Ladies Auxiliary Department, Pentecostal Youth Department leh Pentecostal Children Department hruaitute ruat nghal a ni.

Tichuan, he Kohhran a lo dinna tura rilru tha leh sum, thilpek petute zawng zawng, mimal hming tarlan loh tam takte leh tih lan awm tak takte, tihmaih leh kim lo palhah hriatthiamna leh mi inpete zawng zawng chungah, lawmthu Kohhran ten an sawi a ni.