KOHHRAN DIN/INDAN TAN DAN :

Rangte khaw chhungah kum 2006 hian thurin (doctrine) dang nei, Kohhran dangte nen Kohhran pathum awmin, UPC (NEI) chu Rangte khua mihring 70% laia tam member kan awm a. Rawngbawlna leh Kohhran hmasawnna a chak zawk beiseiin, Kohhran pahniha inthen/din duhna lo piangin, chu duhthusam chu Section Board-ah thlen a ni a, Section Board March 2006, Tlabunga neih chuan Rangte UPC Local khat ni thin chu, Local hniha then/indan a remti ta a ni.

He Section rorelna bawhzui hian, Ni 19.03.2006 (Sunday) 2:00 pm hian Bialtu Pastor, K. Lalchamliana leh Evan. LH. Lalchhandama (Section Secretary) te kaihhruainain, Unaupa V. Rosanga Inah chhungkaw aiawh mi 15 (sawm panga) kal khawm ten an din a ni. Local hran a pian tak avangin, Local hming koh nan ‘Rangte South Local, UPC(NEl)’ tih a ni a, Rangte Hmar lam Chu, ‘Rangte North Local’ tih a ngai ta a ni. Rangte ‘S’ Local din tirh hian chhungkua 33 (sawmthum pathum) leh Kohhran Member 190 (za sawmkua), Local tharah hian kan awm a, Rangte khua Local pahnih ‘N’ leh ‘S’ hian ramri then hran a nei lo va, Kohhran member-te duh lam lam lawi thei tura siam a ni.

Biak in neih chhoh dan :

Mau rapa Biak in sak dan :

Ni 5.4.2006 hian Rangte ‘S’ Local-in Biak in sak hnatlang hmasa ber neih tan niin, Ni 7.4.2006-ah Mau rap Biak in thar chu luah theiha peih fel a ni. Hnatlang tha sawmriat chuang sen a ni bawk. Ni 8.4.2006 (Inrinni zan) ah he Biak in hi Pathian hnenah hlanna neiin luah luh nghal a ni.

PUCCA Building sual chhoh dan :

Ni 12.11.2008 (Wed)-ah hetih hun laia Lunglei District Superintendent, Rev. R. Lalrosanga chuan Biak in Lungphum min phumsak thei ta a ni. He Biak in thar hi kum khat pawh tling lo sak niin, District lam atangin a chung Rangva tumsak kan ni a, kan lawm hle.

Rev. R. Lalrosanga, District Superintendent leh Drivers te leh bialtu Pastor, B. Kamliana ten chawlhkar khat chhung min chamchilhin, Biak in sak hnatlang min neihpui a, kan Biak in neih nana an inpekna leh tha leh zung an sennaah kan lawm hle. He Biak in thar hi Ni 22.11.2015-ah Bialtu Pastor, C. Lalhriatpuia’n a hawnna neiin tlai lamah ruai nen ropui taka lawm a ni. Biak in zau zawng hi a dung lam 45 ft leh 9 ft gallery, a vang lam 24 ft a ni. A ban hi Thingzai niin a skirting chin hi Brick rem a ni. A chung Rangva leh a bangah Tile hman a ni bawk.

Kum 2006 (Kohhran form hmasak ber dan): Kohhran inform ni :

Church Board OB te :

Tun dinhmun:

Rangte South hi Report hnuhnung ber, 2025-ah khan member 276 an ni a.

Kum 2025-2026 Local hruaitute chu :