Lungsen :

Lungsen hi Lunglei District chhung, Lunglei khaw thlang lam, Lunglei to Tlabung kawngpuia awm a ni a, Lunglei atangin 57 KM-a hlaah a awm a ni. Khaw hmun/khaw thleng nuam tak a niin, BDO awpna hnuaia awm a ni. Lungsen khuaah hian 2023-ah khan In 550 chuang awmin, mihring pawh 2700 vel dawn lai an cheng a ni. Lehkha thiamna lamah chuan 84.73% chu an Literacy rate a ni. Lungsen khaw chhungah hian UPC NEI hi Local hnih an awm a ni.

Lungsen bial din hun lai vel :

Lungsen bial hi Lunglei District-ah chuan bial upa ber zing a mi a ni hial awm e. Lunglei District a in dan hma daih tawhin bialah siam a ni a. Kum 1960 chho velah khan, Lunglei District atanga Saiha lam thlengin UPC Kohhran te hian Pastor pakhat chiah, Rev. Lalthima kan nei a. Kohhran te kan lo pung chakin, khaw hrang hrangah Kohhran a lo ding chho zel a, Pastor pakhat tan mai chuan a hahthlak takem avangin, General Conference-ah Pastor pahnih tal min pe turin dil a ni a. Tichuan kum 1962-ah chuan Pastor pakhat, Rev. Hrangchhina chu chhim lam tan min laksakin min pe ta a. Chhim Circle Board chuan a bial tur atan Lunglei khaw thlang lam chu a ruat a, a awmna hmun atan Lungsen a thlang a ni. Tichuan, Ni 20 June, 1962 atangin a zu awm chilh ta a, hemi ni, thla leh kum hi Lungsen bial din ni atan hman nghal a ni.

Pastor Quarters :

Rev. Hrangchhina awm kum, 1962-ah tuna Pastor Quarters hmun hi lei a ni. Kum 1972-ah Rev. Lalthima awm tirh kumah, Pastor Quarters sir chu Rev. Lalthima’n ama tan a lei belh a, kum 1977-ah Rev. Lalthima, a chhuah dawnah Kohhranin Rev. Lalthima in hmun chu khul chhawng lehin, tuna Quarters ram zawng hi neih fel a ni ta a ni.

Hun hmasa lama a huam chin :

Lungsen bial a din tirh hian Tlabung lam te, Chawngte lam thleng hian a bial vek a ni. Pathian malsawmna, Lungsen bial hian a dawng nasa a, Pastor leh rawngbawltute rawngbawlna engah ram a kal em em a, member pawh an pung chak hle a ni.

Lungsen bial atanga indang tawh te :

Chawngte bial :
Lunglei District, District Conference vawi 14-na, kum 1979 a neih Rorel No 2-na chuan, Chawngte Centre-a hmangin bial thar chu a hawng a, Lungsen bial atangin hemi kum hian a in dang a ni.

Tlabung bial :
District Conference vawi 40-na, Kum 2005, Rorel No 9-na chuan, Lungsen bial chu thenin, Tlabung Centre-a hmangin bial thar a hawng leh ta a.

Zawlpui bial :
District Conference vawi 49-na, kum 2014 Rorel No 1-na chuan, Zawlpui chu bial Centre-a hmangin bial thar a hawng leh ta a, hetah hian, Lungsen bial chhung Local-2, Belthei leh Putlungasih te chu Zawlpui lamah an in dang ve leh bawk a ni.

Tun huna Lungsen bialin a huam chin Local te :

• Lungsen N Local : Lungsenah hian Local hnih kan nei a, Lungsen khaw hmar lama Kohhran chu Lungsen N Local tih a ni a, hei hi Bial Centre ni mek a ni bawk. Tunah hian member 204 dawn an awm a ni.
• Lungsen S Local : Lungsen khua, Lunglei lam atanga luh tawn tirha awm a ni a, tunah hian member 290 dawn lai an awm bawk.
• Rangte N : Rangte-ah hian Kohhran pahnih kan nei a, a Biak in pui (A ding hmasa zawk) hi Rangte N Local tih a ni. Tunah hian member 363 dawn lai an awm bawk.
• Rangte S : Rangte khuaa kan Kohhran pakhat zawk (A ding hnuhnung zawk) hi Rangte S Local tih a ni a, tunah hian member 288 chuang an awm mek bawk a ni.
• Phairuangkai Local : Lungsen khaw thlen hma, Lungsen atanga 15 Km velah hian, Phairuang lui kama khaw awm a ni a. Tunah hian Kohhran member 100 dawn an awm bawk.
• Chhumkhum : Chhumkhum khua hi Lungsen kalkawng, Chawngte peng thuam taka awm a ni. Kohhran an fahrah em avangin Home Missionary ten an awp deuh reng thin. Tunah hian member pawh 20 an tling mang lo a ni.

Tichuan, Lungsen bial pumpuiah hian Kohhran member hi 1247 (2025 report) ah an ni.

HMING LEH AWM HUN CHHUNG :

Kum 2025-2026 Bial hruaitute :