United Pentecostal Church, Ramthar Local Chanchin

United Pentecostal Church, Ramthar Local hi tun hma chuan Matu Veng Kohhran tih a ni thin a. Lunglawn Village Council hnuaiah awmin Lunglawn UPC Kohhran atangin a in dang a. Hemi Matu Veng huam chhungah hian mi hlim (Hlim sang) tam takte awm ve-in, Pu Salora (Matu) te inah inhmu khawm thinin Inkhawm/Zaikhawmna te an lo nei thin a. Tichuan District hotu lamte remtihnain Ni 23 March 1973 (Nilaini)-ah Pu Ngaihzuala in hmun, tuna (MRHG (Home Guard) awmna hmunah hian mau rapin Biak in sak/din a ni a. A hming atan ‘Matu Veng UPC Kohhran’ tih a ni a. Chung hun laia Kohhran hruaitu chu heng mite hi an ni : (Kohhran din ni Dt. 23.03.1973 Nilaini)

Kohhran member 100 bawr vel awmin, an Biak In hmun chu mimal hmun ram a nih avangin, a lo remchang reng si lo va, he mi tum hian inhmu khawmin kum 1974-ah Pu Thanhnuna (Matu) ram chu lei a ni a, Biak In pawh sak nghal a ni. Kohhran member pawh 140 bawr vel an lo ni tawh a, Department te : LAD, PYD, Sunday School pawh inruat kim nghal a ni.

Hun eng emaw chen hnuah Thangte khua sâwi khâwma lo chho te, Biak In hmun chhuksan leh tak chu, District hotu lamah dila insiam rem a ni. Tichuan, kan hmun hlui chu (Pu Thanhnuna in hmun chu) District-ah pek a niin, Thangte khua Biak in hmun hman nghal a ni a, Biak In pawh sak tan leh a ni a, Ni 20 October 1978-ah hman nghal a ni. Hetih hun lai hian Kohhran member pawh 150 vel an ni.

Kohhran Hruaitute:

Hetiang hian kal chho zelin Kohhrante hlim em emin, mimal zawngte pawhin chawimawina vawi tam an nei thin a. Kum 1985 atangin, District lam atangin ‘Matu Veng Kohhran UPC’ tih thin chu thlak dang lamin ‘Ramthar Local UPC NEI’ tih a ni ta a ni.

Kohhrana thil tih langzar zualte:

1. Biak in sakna leiba Pu Pakunga hnenah Ni 14.6.1982-ah Rs. 2,241.50/- pek a ni.
2. Kum 1984 December-ah Kohhranin Belpui khap 7 an lei.
3. Ni 15.2.1987-ah Kohhran in-form-naah Matu Veng tih thin kha, Ramthar-I tih hmuhna hmasa ber a ni.
4. Ramthar-I tih a nih hnu-ah Church Board hmasa ber chu, Ni 15.3.1987-ah Upa V. Rawngliana te inah neih a ni.
5. Ni 15.2.1987 Church Board in-form that leh atangin Buhfaitham chu LAD te kutah dah a ni.
6. Ni 17.1.1988 Church Board Committee Vawi 1-naah Bial Agenda turin ‘Lunglei District chhungah hian Middle School din ve ni se’ tih pass a ni.
7. Ni 16.1.2000 Church Board Committee chuan Tui Connection dil ve ni se tih a pass.
8. Ni 19.1.2003 Church Board Committee chuan Kohhran Ramthar-I tiha Local hming a dah chu Ramthar Local tih ni se tiin a pass.

Golden Jubilee lawmna leh Biak in hawn:

Tuna Biak in luah lai hi a dung 70 feet avang 35 feet-a lian a ni a, Biak in pathumna tur a ni. Ni 23 March 2023 khan Golden Jubilee lawmna neih a ni a, hemi ni hian Biak in hi hawnna neih nghal a ni. Biak in hi Rev. C. Vanlalena, District Superintendent chuan hawnna a nei a. Rev. LH. Lalchhandama, Bialtu Pastor chuan Golden Jubilee Lung a hawng bawk.

Tun dinhmun:

Ramthar Local-ah hian member 450 (kum 2025 report-ah) an awm mek. Upa - 7, Licence Holder - 2, Rawngbawltu - 6, LAD member - 97, PYD member - 140, PCD Member - 136, PMD Member -39 an awm mek.

Kum 2025-2026 chhunga Kohhran hruaitute chu: