1. Bial din tura hmalak a nih dan:

Cherhlun Bial hi a hma-in Hnahthial bial-ah awmin, kum 1976-ah Thingsai Bial chu Hnahthial bial atangin a indang leh a, Thingsai Bial Pastor Quarters chu Cherhlun-ah sawn a ni a, chuta tang chuan Cherhlun Bial tih a ni ta a ni. Bial a din theih nan hian mi tangkai tak tak an awm a, record mumal hmuh tur a awm loh avangin a kim changin a tarlan theih ta loh a ni.

2. Bial din a nih dan:

Cherhlun Bial hi ni 18.12.1967 rorelna chuan hawn ni se a ti a, chuta bial chhung Local te chu – Cherhlun, Thingsai, S. Chawngtui, Ngharchhip leh Bualpui ‘H’ te an ni. (Kohhran Chanchin by Rev CS. Pachhunga, Phek 289).

Hun a kal zel a, Ni 1.4.1976-ah Thingsai Bial hawn a ni a, Cherhlun Bial chu Thingsai Bial-ah a awm leh ta a; kum 1983-ah Thingsai Bial Pastor Quarters chu Cherhlun-ah sawn a ni leh a, Ni 1.6.1983 atangin Cherhlun Bial tih a ni ta a ni. Bial chhungah hian Local pali (4) – Cherhlun Local (Bial Hrqs.), New Ngharchhip Local, Khawhri Local leh S. Chawngtui Local te an awm mek a, Bial chhung member zawng zawng hi 665(as reported on half yearly report 2021) an awm mek bawk a ni.

4. Pastor Quarters chungchang :

Thingsai Bial Pastor Quarters chu Cherhlun-ah sawn a ni a, Ni 1.06.1983-ah Rev. C. Darnghaka chu Bialtu Pastor-in a awm tan a. Pastor Quarters atan hian, a tirah chuan Upa P. Lalthanzuala in luah a ni a, chumi hnuah Cherhlun Forest Quarters luah leh a ni. Chuta tang chuan tuna Quarters awmnaah hian insawn thlak a ni a, a Building awm sa chu 1983 atangin luah tan a ni a, Ni 9.3.1991 Bial Conference chuan a bang tile bel turin a rel. Tichuan, kum 2011 thleng luah niin, Quarters sak that a lo ni a; Semi Concrete-a sak a niin a dung 36ft leh a vang 24ft-a lian a ni. Tuna Quarters luah lai mek hi kum 2012 atangin luah tan a ni.

A theih ang angin Pastor Quarters hi tih-changtlun zel a ni a, a hnuai te siam a ni tawh a, Quarters chhung leh a vel hi Bial Kohhranpui leh Bial Department te, Local hrang hrang te hmalakna azarah a phuisui sawt hle a ni.

5. Bial-a thil thleng chhinchhiah-tlak te:

Ni 3 – 6 March 1989 khan Cherhlun Bial, Cherhlun Local-ah District PYD Conference vawi 21- na dawl a ni.

Bial hmalakna-in New Ngharchhip-ah Crusade neih a ni a, Ni 13 May 2000 atanga Crusade neih tan niin Ni 10.7.2000 khan Kohhran din a ni a, Ni 13 July 2000-ah Crusade hi tawp a ni. Heta Crusade Speaker atan hian Evan. C. Vanlalena chu hman a ni.

6. Tun dinhmun:

Cherhlun Bial chhungah hian tun dinhmun (2025 Half yearly Statistic Report) ah Member 663 awm mekin, Local 4, Cherhlun, S.Chawngtui, Khawhri leh New Ngharchhip Local te an awm bawk.

7. KUM 2025 -2026 BIAL KOHHRANPUI HRUAITUTE :

• Chairman : Pastor Rochungnunga Renthlei
• Secretary : Rbt. C. Lalrinpuia, Cherhlun
• Treasurer : Upa Lallianzama, Cherhlun