Zobawk bial hi Theiriat bial atanga in dang niin, UPC Lunglei District Conference Vawi 59-na, Rorel No. 13-na chuan hawngin, Pastor bial 21 na a ni. District Conference-in a ram ri bial chhung Area turte chu District Board kutah a dah nghal a. District Board vawi 212-na, Rorel No 41-na chuan, hetiang hian a bawhzui nghal. Bial thar hawn ni atan Ni 7 April 2024 (Pathianni) a ruat a, a hmun atan Zobawk Local ruat a ni. Bial chhunga a huam chin tur Localte pawh hetiang hian a ruahman.

1. Zobawk Vengthar
2. Zobawk
3. Immanuel, Zobawk
4. Dawn
5. Ralvawng

Bial hruaitu hmasa ber turte chuan District Board hian a ruat sak a, chungte chu :

District Board vawi 212-na, Rorel No 42-na chuan, Bialtu Pastor atan Rev. C. Vanlalena, District Superintendent term hmang zo hlim chu a pe ta a. Bial mipuite pawh an lawm hle.

Bial hawn a ni :

Date 7 April 2024 Pathian ni hian Zobawk Local-ah Rev. C. Lalrintluanga, District Superintendent chuan Bial thar hawnna a nei a. Hemi ni hian District hruaitute bakah, District Department hruaituten min telpui tam hle. Tin, Bial thar mipuite leh Theiriat bial atang pawhin Kohhran mite an kal khawm tam hle a ni. District Department leh Bial dang atangin thil pek pawh dawn a ni hlawm.

Bialtu Pastor kal chhuak leh tun dinhmun :

Bialtu Pastor hmasa ber hi Rev. C. Vanlalena a ni a. Date 16 April 2024-ah Zobawk Bialah rawn pem lutin, General Missions Director-a thlan a nih tak avangin, Date 22.5.2024 khan Zobawk Bial min chhuahsanin Aizawl lamah min pemsan ta a ni. Thla 1 leh Ni 6, Bialtu Pastor hna min thawhsak a ni. Date 28 May 2024-ah Bialtu Pastor thar, Rev. Jerry Lalmuanawma te chhungkua chu, Chawngte Bial atangin Zobawk bialah an rawn pem lut ve thung a ni.

Bial hruaitu hmasa berte :

Pastor bial thar hawn a nih takah chuan Date 13 April 2024 khan Zobawk Bial Board hmasa ber chu Pastor Quarters-ah neih a ni a. Heng mite hi Zobawk bial hruaitu hmasa berte an ni.

Bial Board hmasa berin hruaitua a ruatte chu :

Bial Missions Department :

Bial Sunday School :

Bial PYD :

Bial LAD :

Bial PCD :

Bial Thianghlimna Committee :

Pastor Quarters hmun neih dan :

Pastor Quarters hmun zawng turin Bial Board-in heng mite hi a ruat a; Upa P. Lalthanzuala, Upa V. Darthuama, Evan Lianmawia, Bro. Lalramdinthara leh Bialtu Pastor te a ni.

Anni chuan theih tawp chhuahin an zawng a, Date 16.8.2024 khan Joint YMA Zobawk hmun chu Nuai 19-in kan lei a. Kan lawm hle a ni. Chutih laiin khawtual boruakah dodalna a nasa hle a. Joint YMA lamin tlawmngai tura min tih angin, a man pawh kan inhlan let leh ta a ni. Kan rilru pawh a hrehawm. Kan theihnghilh ngai tawh loh tur thil a ni hial awm e.

Pathian remruatna kal zelah, tuna kan Quarters hmun neih tak hi Date 16.8.2024 khan Nuai 15-in District-in min leisak ta a ni. Kohhrante pawh kan lawmin kan thla a muang hle a ni. Tun hunah (kum 2025) erawh chuan Quarters kan la neih loh avangin Upa V. Darthuama In chu Quarters atan luah lailawk a ni a. Kum 2026-ah chuan kan sak kan beisei.

Pathian hnathawh :

Zobawk Bial hi bial hawn hlim kum 2024 khan member 520 an ni a, report siam lai (2025) hian member 573 an tling hman a ni. Kum 2024 chhungin Sawmapakhat Rs.18,68,157 District-ah chhun luh ani a, hma kan sawn zel rin a ni. District leh biala tih tur awm chi chu ti hmasa pawlah tang zelin, Bial mipuite pawh an inlungrual em em a ni. Ralvawng Local-ah kum 2025 atangin District-in Home Missionary min dahsak bawk. District-in Home Missionary a dah hmasak ber chu Evan T. Laltlawmlova a ni a, Theiriat bial nen bial khata awm lai chuan Bial chhawrin Evangelist eng emaw zat dah tawh a ni.

Kum 2025-2026 Bial hruaitute (Head of Department) :