Dawn khaw lo pian dan tak hi chian a har viau mai a. 1927-1929 chhoa Baichi khua chhuahsan a nih lai khan, mi eng emaw zat chu Dawn khuaah hian an kai niin a lang a. Hetih lai hian Dawn khua chu Mizo khaw pangngai tak, in 30 vel an ni a. Baptist Kohhran a ding tawh a. Chhiat nia thing leh buhfai khawn te pawh hi Kohhranin a kalpui thin. Chutih laia Baptist Kohhrana an rawngbawltute zinga pakhat; Pu Liannawla chu Dawn khuaa UPC a lo din theihna tura mi pawimawh zinga mi a lo ni ta nghe nghe a ni.

Dawn Kohhrana hruaitu hmasate chu :
Lianhnawla, C. Lalruata, Chalzama, Zawnpianga, Kawlsailova, Aikhuma, Thnamawia, Hrangkhuma, Lalliana leh Rochhinga te an ni. Kum 1961 October thla khan Dawn khuaa UPC Kohhran chu din a lo ni ta a, an hruaitu hmasate chu hengte hi an ni :

Kohhran din dan :

Pi Lalliani chuan Pastor Lalthima a lo mikhual thin a. A in chu inkawm khawm nan te an hmang thin a. Hun a lo kal deuh chuan, Isua hminga Baptisma chan a lo duh ta a. Mahse, Dawn khuaa chan chu a hreh deuh avangin, Theiriatah a han chang ta a ni awm e. Dawn khaw mi Isua hminga baptisma chang hmasa ber a ni. Hetih lai bawr chhoah tho hian Pu Liannawla, Baptist rawngbawltu chu Kohhranah a kawlawk tlat mai a. Hetia kawlawka a awm lai hian Theiriata a zinnaah Isua hmingin Baptisma a lo han chang a. Ani hi Dawn khuaa Isua hminga baptisma chang hmasa ber dawttu a ni ta a ni.

Hemi hnu hian Pu Lawmkima te, Pu Saptluanga te, Pu Tlangrema te leh mi dang pahnihin Baptisma an chang leh a. Pu Lawmkima hi Kohhranah awm zuiin mi dang erawh UPC lamah an awm zui ta lo.

Hemi hnu 1961-ah Tirhkoh Hrangtlinga hovin tawnghriat loh leh lam thiam tak mai, Pi Zathangi leh mi dang pakhat nen rawng an va bawl a. Pi Thangliani te, Pu Lalruata te, Pi Darvaimawii te, Pi Khuangi te, Pu Zambawnga te, Pu Zawna te, Pu Aikhuma te, Pu Zabanga te, Pu Rochhinga te leh Pu Sailova ten Isua hmingin Baptisma an chang ve leh ta a.

Biak in sak dan :

Kohhran a lo din tak hnu chuan, biak in an neih mai loh avangin Pu Liannawla inah te leh, Pu C. Lalruata te inah te an inkhawm thin. Kum 1962-ah Maurap-in Biak in sak nghal a ni. Dawn khua (Khaw hlui) awm lai hian vawi 2 Maurapin Biak in sak hman a ni. Hetih lai hian Kohhran pawh member 60 an tling hman. Biak in saknaah hian chhinchhiah tlak tak mai chu ; Baptist Kohhrana an rawngbawltu min leh zaipawl Conductor - Pu Kaphranga chuan he biak in sak hi a pui ngat a ni. Kum 1967 February ni 17 khan Dawn khuaa mite pawh chu sipaiin hruaiin Zobawkah sawi khawm an lo ni ta a. Dawn khaw Kohhran chu a lo tiak lailawk ta a ni.

Kohhran din laia harsatna leh chhinchiah tlakte :

Pathianin a Kohhran a dinna tur atana Dawn khuaa harsatna an tawh dan hi a rapthlakin a ropui ngawt mai. Isua hminga baptisma chang chhungkaw eng emaw zat, mi 50 tha zet an awm ta tihah chuan, Pu Lawmkima te chhungkuain chhiat an tawk ta a, an fanu an chan ta hlauh mai a.

Hetia an mangan lai hian an mitthi chu vui turin tu nge ni ang tihah an buai hle mai a. Pu C. Lalruata‘n vui mai rawh se tia ruahmanna an siam mek laiin, Tirhkoh Hrangtlinga chu Herhse khua atangin a lo thleng ve chiah a ni tih an han hre ta a. An lawm hle mai a. Amah chu zu ko vatin an mitthi pawh chu, Tirhkoh Hrangtlianga chuan a vui ta a ni.

Hemi hnu hian chhiat tawh thu-ah thil chhinchhiah tlak tak mai pakhat a awm : Pi Khawli nu chuan khawvel a lo chhuahsan ve leh ta tlat mai a. Baptist Kohhran chuan thing leh buhfai an khawnsak duh ta lo va. Mahse, thla khat vel a lo liam chuan, khatih laia VCP Pu Suakzawna khan, “Engah nge UPC thih avanga thing leh buhfai in khawn loh, in khawn loh chuan ka chhuah dawn che u,” tiin a vau ta a. A hnuah Kohhran hruaitu ve vete indawrin, buhfai leh thing pawh chu khawn a ni zui ve leh ta a ni. Hetih lai hi ram buai lai, in hal chhiat tawh hnu, bawk khawh leh hlim vel a ni.

Dawn khaw luah leh Kohhran din leh thu :

Mizoram buai a lo reh chho deuh tan a, Kum 1972 khan sawrkar thu chhuahin mahni khaw hmunah hawn a phalsak leh ta a. Mahni Kohhran bik awm lova hmun khata inkhawm thin chu, Kum 1979-ah chuan inkhawm hrang tham an lo ni leh ta a ni.

Kum 1979 kum lai hawla Kohhran hruaitu ruat lailawkte chu :

Hemi hnu hian 1980 kum khan UPC Kohhran dan pangngaiin Kohhran form a lo ni ta a. Khatih laia Chanmari bialtu Pastor Lalthima khan, Dawn khuaah chuan ka kal lo mai ang e, tiin Zobawk khua atangin a form a ni awm e.

Hemi tuma hruaitu atana ruatte chu heng mite hi an ni.

LAD :

Hetih lai hian member mi 51 vel an ni a. A chhungkuain chhungkaw 9 an ni.

Tun huna Kohhran :

Tunah hian NHIDCL ten kawngpui an laih avangin, Biak in hmun thenkhat a la fel fai lo va, Kum 2025 hian Biak in sa turin hma an la mek. Date 7.6.2025 khan Rev. Jerry Lalmuanawma, Bialtu Pastor chuan Biak in sak tur lungphumin, Biak in 60/30 feet sak tan tum a nih laiin, a hmun thu-ah duthu a sam loh deuh avangin, Biak in hmun dang zawng turin hmalakna kalpui a ni. Tunah hian (kum 2025) member 209 chuang an ni a.

Kum 2025 – 2026 Kohhran hruaitute :