Chawngte bial hi Lunglei District Pastor Bial hmasa 10 zinga a lang phak a, Kum 1979 khan District Conference-in Lungsen Bial atanga in dang turin a hawng. Chawngte Bial Headquarters, Chawngte hi Lunglei atangin KM 96 vela hla a ni.

Chawngte atang hian Lunglei lamah chho zelin Lalnutui thleng a bial a, tuna Bial chhunga Local awmte chu: Chawngte L, Lungrang 'S', DintharLungrang, Lungrang (upper), Lalnutui te an ni. Heng bakah hian Bial chhungah hian Zehtet Field awm bawkin, Zehtet, Buknuam leh Mautlang-ah te Kohhran kan nei bawk.

Bial Chanchin leh Tihfamkimnate

Bialtu Pastor hmasa ber hi Rev. Saidawla a ni a. Ani hi 1 April 1979-ah Pastor hna a zawm a. A bial hun lai hian heng khua Chawngte, Lungrang, Zehtet, Vaisam, Buknuam, Runtung, Thangte, (Thangpui leh Chithar-ah sawi tham loh member an awmve) ah te hian Kohhran kan nei. Chungte chu a bial vek a ni.

A hun lai hian Mautlang, Samang, Sailen te Kohhran an din bawk. Tunah chuan Sailen leh Samangah hian Kohhran a ding ta lo. Tin, Bial hawn hlimah hian Lungrang hi Lungsen bialah rei lo tê an la bet bawk a. Bial siam rem a nih hnuah, Runtung hi Lunglei lam bialah a awm a, Lungrang pawh Chawngte Bial-ah a awm zui nghal a ni.

Rev. PC. Nghakliana bial lai hian, Lalnutuiah Kohhran din loh mahse; in 2/1 an awm bawk. Chawngte atangin Vaisam hi a bial tel a. Buknuam leh Zehtetah In 2/1 an awm bawk niin a sawi. Rev. R. Lalrosanga bial lai hian Vaisam chu Headquarters Bial-ah a awm. A hnuah Lungmual Bialah an awm ta a ni. Tuna Pastor Quarters kan neih hi Pu Lalkhuma (L), Forester, Zotlang hnen atanga lei a ni.

Bial Member & Sum Chhung Lut Dinhmun

• Tun dinhmunah hian Bial member hi 820 chuang kan lo ni ve ta a ni.
• Kum 2024 khan Bial pum huap sawmapakhat hi Rs 22,35,110/- District-ah kan chhung lut.
• Kum 2025-ah Bial member hi 831 an ni.

Pastor Quarters

Pastor Quarters tuna luah lai nen vawi 4 sakna tur a ni. District Board-in Nuai 20 pe-in tuna luah lai hi din a ni. Pastor Quarter Lung phum ni hi 23 February 2023 niin, hemi ni hian bial chhung rawngbawltu an kal tha hle. District Superintendent, Rev. C. Vanlalena'n lung a phum. Ni 15 October 2023-ah Quarters hlanna, Rev. C. Vanlalena hova neih a niin, Bial rawngbawltute an kal khawm tha hle a. Rev Lalmalsawma Sailo, General Treasurer-in a tel pui bawk a ni.

Chawngte Bial Tawhtute (Pastors)

Bial Secretary/Treasurer

1. Upa F. Chaldaia
2. Upa C. Darzawna
3. Upa Khawlliana
4. Evan LH. Lalbiaksanga
5. Evan M. Ramthianghlima (2021-2024)
6. Upa C. Lalnunsanga (2025 -till date)

Bial Treasurer

(2013 atangin a hranga neih a ni)

1. Upa C. Lalnunsanga (2013-2024)
2. Evan M. Ramthianghlima (2025- till date)