BIAL DIN CHHOH DAN :

S.Vanlaiphai hi Lunglei atanga Km 98 vela hla (khaw chhak lam) a awm a ni a, Bial chhungah hian Local thum S. Vanlaiphai, Muallianpui, Darzo te an awm mek a ni. S. Vanlaiphai Kohhran hi kum 1962 December thlaah Pu F. Rualzakhuma leh Pu Tawnliana Khawlhring te hovin an din a ni. Heng hun lai hian Darzo Local chu a la ding ve lo a. Hun hmasa lamah hian Biala hawn ve zauh chu ni mahse; Kohhran member an tlem bakah, Local hnih chauh an ni a, chak lohna kawng hrang hrang te avangin Bial chu function a har deuh a, Hnahthial lamin an bial ta a ni.

Hun a lo kal zel a, kum 2008-ah Darzo Local a lo ding ve ta a, kum 2015 Lunglei District Conference Ni 28 February 2015-a neih, Rorel No. 11-na chuan, ‘S. Vanlaiphai Local hi Bial Centre-a hmangin Tuipui ral hi bial thara hawn ni se’ tih a pass a, District Board vawi 179-na, Ni 3 March 2015, Rorel No. 13-na chuan a bial huam chhung tur te, Bial Secretary leh Treasurer tur te, Bial hawn ni tur te a rel a. Ni 3 May 2015 khan ‘S. Vanlaiphai Bial’ tiin hawn a lo ni ta a, Hnahthial Bial atangin a lo in dang ta a ni.

Ni 3 May 2015 khan Lunglei District Superintendent, Rev. C. Darkhuma chuan Bial hawn Programme hmanpuiin S. Vanlaiphai Local Biak Inah hun hman a ni a, Hnahthial bialtu Pastor Rev. C. Lalrintluanga leh Hnahthial bial hruaitute leh member eng emaw zatin an tawiawm bawk. Bialtu Pastor hmasa ber ni turin Pastor Jerry Lalmuanawma chu Induction Service neih nghal a ni a. Hnahthial bial lam te pawhin ui viau mahse, an in dan hi awm an tihpuiin an lawmpui hle a, lawmpuina thil pek pawisa fai te an pe bawk a ni.

Bial hawn ni Ni 3 May 2015 chawhnu hian Bial Board hmasa ber neih nghal a ni a, District Superintendent Rev. C. Darkhuma leh Hnahthial bialtu Pastor, Rev. C. Lalrintluanga ten an telpui a, kum 2015-2016 atana Bial Department hruaitu (Dept.O.B) te thlanna neih nghal niin, hemi hunah hian bial chhung Local hrang hranga LAD leh PYD OB te leh Bial Kohhranpui OB te an tel kim thap a ni. Bial Inkhawmpui hmasa ber hi Ni 22-24 January 2016-ah South Vanlaiphaiah neih a ni a. Rev. C. Darkhuma, District Superintendent-in a hmanpui a ni.

BIAL KOHHRANPUI HRUAITUTE :

A. Bialtu Pastor lo ni tawhte :

Bial Secretary Lo ni tawh te :

C. Bial Treasurer lo ni tawhte :

Pastor Quarters Chungchang :

S.Vanlaiphai bial thar hawn a nih hma hian, Home Missionary te an lo awm tawh thin avangin, Biak in Compound-ah Quarters, Assam Type-in neih sa a ni a, chutah chuan Bial thar hawn hlima Bialtu Pastor hmasa ber, Pastor Jerry Lalmuanawma te chhungkua chu an khawsa a ni. Hun a lo kal zel a, Pastor Quarters sa tura inbuatsaih a nih mek laiin, hmun remchang deuh mai, kawngpui sirah Pu F. Sangluaia ram (Vengpui area) chu kan hotute nen inbe remin Rs. 1,00,000 (nuai khat) in leisak a ni.

A sak chhoh dan :

Vanneihthlak deuhin District Board vawi 182-na, Rorel No. 4-na chuan, ‘Pastor Quarters hi District suma sak vek ni tawh se, 2016-ah S. Vanlaiphai Pastor Quarter sak ni se’ tiin a rel hlauh mai a. Ni 25 January 2016-ah, Rev. C. Darkhuma, District Superintendent-in a lung a phum a, Ni 18 February 2016 hian Bial huap hnatlang hmasa ber neih niin a ban khur laih a ni a, a sak hna thawh kal nghal a ni. A hun lai hian Nuai 12 chuang sengin Building & Property Committee, Lunglei District enkawlna hnuaia sak a ni. Ni 16 July 2016 khan Rev. R. Lalrosanga, District Superintendent-in a hawng a, Bial huapin ruai theh a ni bawk. Report siam lai kum 2025-ah hian Bial member 242 an ni mek.

Bial Department hruaitu hmasa berte :

Kum 2015-2016 ( Form-tu : Pastor Jerry.Lalmuanawma)

Tun dinhmun :

S. Vanlaiphai bial chhungah hian tun dinhmun (2025 Half yearly Statistic Report) ah Member 238 awm mekin, Local -3, S. Vanlaiphai, Muallianpui leh Darzo Local te an awm mek a ni.