Revival Committee

District Revival Committee hi United Pentecostal Church, Lunglei District hnuaia Committee peng pakhat a ni a. A dinna hi a la rei lo hle a ni. He Committee din chhan bul berah chuan, kum 2022 General Conference, Pukpui hmuna neihah khan, General rorelnaah UPC North East India hian Thlarau lamah harh tharna kan chan theihna turin beihpui thlak tha a ti a. Hemi thu kal zelah hian UPC Lunglei District chuan hmalakna tur ngaihtuahin District Board pawhin rorelna dawhkanah a chhawp chhuak hial a ni. District Board vawi 205-na Dt.7-9, March. 2022 rorel No. 21-na chuan, Revial / Prayer Committee din a rawt a, mahse hei hi a tlang zo ta lo va. District Board vawi 207-na Dt 7.Dec.2022 rorel 18-na chuan District Revival Committee din a rawt a; rawtna ang hian District Revival Committee chu din a lo ni ta a ni. Tichuan Committee hruaitu tur te thlan nghal an ni a, Committee hruaitu hmasa te chu heng te hi an ni: Chairman : Rev. C. Vanlalena District Superintendent Secretary : Evan. T.Lalzawmsanga College veng Local Treasurer : Sis. Lalramkungi Pachuau Venglai Local Tichuan, heng hruaitu te hian thawhpui tur te ruatin Dt. 1. March.2023 khan District Superintendent Chamber-ah an thukhawm a. Hetiang hian Committee member tur leh Office Bearer turte an ruat thar a. Chungte chu hengte hi an ni :- Office Bearer ruat belhte : Vice Chairman : Evan. Sangthuama Headquartes Local Asst. Secretary : Upa C.Lalramhluna Venghlun Local Committee Member-te: 1. Rev. C.Lalhriatpuia Director, Missions Department UPC Lunglei District 2. Evan. Rohlupuiia Thahlun, Theiriat Local 3. Rbt. PC. Lalhnehzova, College Veng Local Heng bakah hian District Secretary, Rev. C.Lalrintluanga leh Treasurer, Rev. PC.Lalfakawma te chu Ex-Officio tura ruat niin Committee member an ni bawk a ni Evan T.Lalzawmsanga, Secretary chu District Missions rawihin Zote South-ah Home Missionary tura tirh a nih avangin, a aiawh tur atanah District Board vawi 212-na Dt 4. March. 2024-a an neih tumin Rorel No 43-na chuan Upa C.Lalramhluna, Venghlun Local, Asst. Secretary ni lai chu ruat a lo ni ve leh ta a ni. Chairman ni lai Rev. C.Vanlalena chu, General Missions Department-ah Director ni tura thlan a nih tak avangin a aiawh tur ruat leh thlan a lo ngai ta a. District Board vawi 213-na Rorel No 4-na Dt 7. May. 2024 rorel chuan Rev. R.Lalsangzuala, Theiriat Section Pastor chu a ruat thar ve leh ta a ni. Committee member tura kan ruat Evan. Rohlupuia Thahlun chu, Home Missionary-a Bualpui V hmunah a thawh avangin committee member nih zel kha a rem ta lo va, ani pawh member nihna atangin a chawl a ni. Rbt. PC.Lalhnehzova pawh Committee Member nihna a rawn phat avangin, Committee member a nihna chu min chawlhsan ve leh a. Hengte a nih avang hian Committee member ruat belh tha tih a nih angin, Dt 7.July.2023 District Revival Committee, Meeting vawi 3-na rorel no 3-na chuan Committee member thar a ruat bellh a, Upa R.Lalduhawma Electrict Veng Local leh Upa R.Lalthangmawia Sazaikawn Local-te chu a ruat belh ve leh a ni. Hmalakna : District revival hian mumal taka kal tha a tih avangin inkaihhruaina dan pawh fel takin a nei a. Lunglei District chhunga Local hrang hrang ten Thlarau harhna kan chan theihna turin, Crusade emaw Camping emaw buatsaih tura hmalak hi a tum a ni a. Chung rawngbawlna tur hmunah chuan rawngbawl tur te a tirhsak thin bawk a ni. Heng rawngbawltu te hi a thlawn maia tir lovin, kal lam leh haw lam te leh an mamawh tul zuala an hman tur te pawh sumfai pai tir thin an ni. Hetianga Crusade emaw Camping emaw buatsaih thei te an awmin, Kohhran member za tling phak lo te chu Committee atangin tanpuina Rs. 3000 pek thin a ni. Kohhran zingah Revival Committee kan hmelhriat dan hi a langsar lo em em a. Committee ding tir a nih avangin thil nihphung pawh a ni awm e. Hengte a nih avang hian Kohhran ten kan lo hmelhriat theih nan tiin District Revival Committee hawnna inkhawm hi Dt 2. April.2023 Pathianni hmangin Lunglei Venglai Local-ah neih a ni a. Hemi ni hian Revival inkhawm chawhma, chawhnu leh zan lamah buatsaih a ni a, hlim taka hun hman a ni. Hemi ni vek Pathianni chawhma/zing inkhawmah District Revival Committee puala tawngtai thupuia nei turin Local hrang hrangte ngen a ni bawk. Rawngbawlna lam : District Revival Committee hian Lunglei District chhunga Local hrang hrangah hian Crusade a buatsaih tawh a. Heng Crusade a buatsaihnaah hian Team tirin Speaker turte a tirhsak thin a, Local tanpui turte pawh Crusade tanpuina a pe thin bawk a ni. Crusade hlawhtling leh hlawk tak hman thin a ni. Team leh Speaker rawngbawlna atangte hian ram pawh lak hial a ni. District Revival Committee hnuaiah hian Revival Speaker sawm pali tunah hian an awm mek a. Chung ang Speaker-te chu District chhungah a mamawh apiang hnenah rawngbawlna neihsak turin Committee chuan a tir chhuak thin a ni. Kum 2025 -2026 District Revival Committee Hruaitu leh Committee Member atana ruatte chu hengte hi an ni: Office Bearer : Chairman : Rev. C.Lalrintluanga Vice Chairman: Evan. Sangthuama Sailo Sectretary : Upa C.Lalramhluna Asst Secretary : Rbt. Lalnunpuia Sailo Treasurer : Sist. Lalramkungi Pachuau Committee Member : 1. Rev. PC.Lalfakawma, Dist Secretary 2. Rev. K.Vanlalhruaia, Dist Treasurer 3. Rev. C.Lalhriatpuia, Director, District Missins Department 4. Evan. C.Remruatkima, Theiriat Local 5. Upa C.Lalzawnthanga, Zotlang Local 6. Rbt. CVL Chhanhima, Rahsiveng Local