CEC

BUL TAN DÀN: Dt. 27th April, 1990 kuma District Conference vawi 25-na, Headquarters UPC Sunday School Hall-a neih tumin ‘School din ni se’ tih chu Official lam atangin Agenda atân a lo lût a. Conference palâi kal khawmte’n ngun taka an sawiho hnûah District Conference vawi 25-na chuan School din chu a pass ta a ni. He Conference hian ‘School hi English Medium ni se, nursery atanga tan ni se, a bâk chu District Board bawhzui atâna dah ni se’ tih thleng a rêl a ni. District Conference-in a lo pass tawh, a bawhzui chu District Board kuta dah anih angin Dt. 30th April, 1990-a District Board vawi 87-na, rorèl 4-na Headquarters Bîak Ina neih chuan Managing Board Committee a din nghal a. Managing Board-te hian School kal zêl dàn tùr te ngaihtuahin hmâ an la zui nghal a. Dt. 20th June, 1990 zîng dâr 6:30 A.M.-ah Board hmasa ber thukhawm nghalin, School hawn hun leh hawnna hmun tùr, School stage(Class awm zât tùr) chungchâng, School hming leh School furniture chungchâng te an rêl a ni. SCHOOL DIN NI TAK HI: School Board vawi 1-na, rorèl 1-na chuan ‘District Conference (1990)-in School din a lo passed angin hawn thuai nise tha kan ti a. Kum 1991 School Session pângngaiah tan theih nise. Tin, a hmun thu-ah chuan tuna kan Quarters sak lai (Treasurer’s Quarters) hnuai leh Treasurer luah laiah hian School chu tan nise tha kan ti tlâng” tiin an rêl a. A din nî tak hi tàrlan a ni lova, Dt. 28th Nov, 1990-a School Board vawi 4-na, Chanmari Sunday School Hall-a neih, rorèl 1-naah chuan hetiang hian an rêl: “ZIRTÎRTU LÂK ZÂT TUR: Zirtîrtu engzât nge kan lâk ang tih kan ngaihtuah a, tunah hian 4 lâk nise, Principal tak kan neih hmâin mi 1 in charge la se, chu chuan December ni 1, 1990-ah hna tanin admission te pawh buaipui se tha kan ti tlâng a. Principal charge latu tur chu zirtîrtu appointment sìam hunah ruat nise tha kan ti tlâng. Tin, appointment chu sorkâr dungzuiin temporary-in sîam nise tha kan ti tlâng, Principal bâk midang zawng chuan 1st February, 1991-ah tan se tha kan ti” tiin. Principal charge la tu hian Dt. 1st December, 1990-ah admission buaipuiin hna a tan a, teacher dang ten Dt. 1st February , 1991-ah hna an zawm niin a lang. Tichuan teacher dangte hna zawm nî Dt. 1st February, 1991 hi School function tan tak tak hunah ngaiin School din nî (anniversary)-ah pawm ni ta ni berin a lang. Tin, Principal charge latuin Admission a buaipui tan nî Dt. 1st December, 1990 hi School din tan nîah a pawm theih tho bawk awm e. CLASS HAWN ZÂT: District Conference vawi 25-nain Nursery atanga tan nise tih thleng a rêl a. School Board vawi 2-na, rorèl 1-na chuan Class-II thleng hawn nise tiin a rêl zui a. Hetiang hian kum tinin Class hawn belh a ni ta zêl a ni: • 1991-ah Nursery atanga Class - II • 1992-ah Class – III • 1993-ah Class – IV • 1994-ah Class – V • 1996-ah Class – VI • 1997-ah Class – VII • 2010-ah Class – VIII • 2011-ah Class – IX • 2012-ah Class – X • 2016-ah Class – XI • 2017 Class – XII ZIRTÎRTU LAM: A din tirh hian chhan hrang hrang avàngin zirtîrtu bâng leh a thar lâk a zing êm êm a, Board hmasa ber 1991 atanga Board vawi 34-na kum 2000 thleng khân zirtîrtu chungchâng hi vawi 30 chuang ngaihtuah a ni a, a hnu lamah pawh vawi engemaw zât ngaihtuah a ni. Tin, Principal mumal tak neilo hian hun engmaw chen an kal. Principal pângngai, Board-in appointment an pêk hmasak ber chu CT. Bîakthansânga a ni a, ani hi Dt. 7th February, 1992-a Board vawi 2-nain appointment a pe a ni. Mahse, ani pawh hi thla 3 emaw vêl chauh a thawk hman tihin bànna (resignation) a thehlût a, chumi hnûah chuan Principal mumal nei lovin hun engemaw chen an kal leh a, Principal chungchâng ringawt pawh hi kum 2000 hmalamah khân vawi 10 chuang lai School Board-in an ngaihtuah. School Board vawi 2-na-ìn ‘zirtîrtu 5 lâk nise, board member te’n lo dap se’ a ti a. Hetiang hian an hlawh tur pawh fixed-in an siam nghal. Graduate – Rs 1800; Matric & PUC – Rs 1400; Under Matric – Rs 1000. Board member-te hian Teacher hi an hmu mai lo nge, Board vawi 3-na chuan advertisement chhuah leh nise a ti a. Board vawi 4-na chuan zirtîrtu 4 lâk nise tiin a rêl nawn leh. Mi 22 dîltu zîngah mi 17 an interview a; interview-ah hian Personal Interview-in mark 100 a pu a, Written Test-in Mark 50 a pu a, hêng mite hi zirtîrtu hmasa ber atâna lâk te chu an ni: 1) F. VL. Malsàwma Thakthîng Vêng, Aizâwl 2) F. Lalhmingsângi Chanmari, Lunglei 3) Mâlàwmi (Helena) Bazâr Vêng, Lunglei 4) PC. Lalrotluangi, Pângzâwl. Anni zîng atang hian F. Lalhmingsângi hian Principal charge a la a, Principal hming pu hmasa ber a ni ta nghe nghe a ni. Tun 2024 (November)-a thawktu (Teaching & Non-Teaching Staff)-te chu: 1) P. Samson Vanlalfela (Principal) 2) R. Lalnunthara (Vice Principal) 3) C. Lalrosânga 4) J. Vanlalruatsaka 5) Lalramhmuaka Sailo 6) LH. Lalremsânga 7) K. Lalrammawia (Warden) 8) PC. Zothanzuala 9) Biakrempuii 10) Lalengkimi Hnamte 11) Lalneihpuii Pachuau 12) Lalhmunsiami Chawngthu 13) K. Vanlalvenhimi 14) C. Lalhmunmawii 15) H. Lalhmachhuani (Warden) 16) V. Lalhualhimi 17) H. Lalhruaitluangi 18) CV. Lalrammuani 19) LH. Biaknunnemi 20) Lalmuanpuii (MDM Cook) 21) P. Lalsiamliana (MDM Cook) 22) Zionharhnasângpuii (MDM Cook) 23) Lalmuanawmi (MDM Cook) MANAGEMENT, FEE LEH ADMISSION LAM: CEC School-a Admission hawn tan nî hmasa ber chu Dt. 3rd December, 1990 kha a ni a, December thla chhûng zàwng hàwn a ni. A din tirhah hian Tuition Fee (Monthly Fee) atân hian naupang pakhatah Rs 50 zêl lâk a ni. Tun (2024)-ah hetiang hi Fee Structure a ni. Admission Fee: Fresh – Rs 2,500 Renewal – Rs 2,000 Monthly Fee: Day Scholar: • Kg I & II - Rs 600 • Class I – VIII – Rs 700 • Class IX – XII – Rs 900 Hosteller: • Class VIII & below – Rs 5,000 • Class IX & above - Rs 5,500 Concession pêk dan: • Workers fate - 50% • Full time - 25% • Unau 3-ah 3na - A half • Unau 4-ah 4na - A free, 3na a half BUILDING LAM: A din tirah hian ‘Tuna kan Quarters sak lai (Treasurer Qtrs) hnuai leh Treasurer luah laiah hian School chu tan nise’ tiin Board vawi 1-nain a rêl a. Board thuchhuak ang hian District Treasurer Quarters-ah te, Headquarters Sunday School Hall-ah te Class hi neih thin a ni (Chu chu tuna kan kohhran Office, District Headquarters, Chanmari-ah hian a ni). Kumtin Class hawn belh anih tâk zêl avàngin hmun hmâ duh khawp a awm lo tial tial a, Board vawi 13-na chuan ‘kum thar 1994-ah chuan kan building neih laiah hian kan leng dâwn ta lova, building min ngaihtuahsak turin District Board-ah thlen nise’ an ti ve ta hîal a. Tichuan, hotute ruahmanna angin kum 1997 January thlaah khân tun (2024)-a kan luah mêknaah hian School chu sawn thlâk a ni ta a ni. Tun (2024)-ah hian chhawng chung berah Class X, XI & XII Room-te nên zawh fel vek tawh a ni a. Tun dinhmunah hian Class Room ringawt pawh changtlung tak tak 14 lai kan lo nei ta. SCHOOL HMING LEH MOTTO: School Board vawi 1-na chuan School hming phuah duhte tân phuahna hun a hawng a, hetiang hian School hming tur rawtna hrang hrang a lo lût a: 1) Christian Education Centre 2) Delight School 3) Audrene Scism Memorial 4) Foundation Home Hêng 4 zîng atang hian Board vawi 4-na Dt. 28th Nov, 1990-a neih chuan School hming atân Christian Education Centre tih chu a thlang ta a ni. Tin, School Motto pawh a duh apîang tâna phuah theihna hun hawn leh a ni a, ‘Marching on the Top’ tih chu thlan a ni. UNIFORM: School Uniform hi a hmasa ber atân Dt. 28th Nov, 1990-ah khan Board vawi 4-nain a ngaihtuah a, ‘uniform lam chu zirtîrtu lâk felah zirtîrtute nen la sawiho nise’ an ti a. A din tirh têah hian kekawr/pawnfèn grey colour (vutbuak rawng), kamis vâr, necktie grey, a sena tial(necktie hi a din tirh têah khan a sen hlang an hmang) leh mawza vâr, a sena tial an hmang a. Kum 25 a lo tlina 2015-2016 Session a lo her chhuah meuh chuan tuna kan uniform – mipa kekawr hring hlang (hmeichhe pawnfèn hring, a vâra tial), kamis vâr, necktie hring a vâra tial, mawza vâr, a tlângah a hring pahniha tial, sweater/pullover hring hi kan lo nei ta a ni. BOARDING/HOSTEL: Dt. 3rd July, 1996-a Board vawi 22-na, rorèl 4-na chuan ‘School hi building thar luah rual hian Day Schooling mai tur nge boarding tur ni ang?’ tiin a ngaihtuah a. School Board thuneihna piah lam anih avàngin District Board ngaihtuah atân thehluh a ni. Dt. 8th Jan, 1997-a School Board vawi 23-na chuan ‘hostel naupang khum 10 sìam phawt nise’ a ti a. Amaherawhchu, he thu an rèl lai hian boarding hi tan a la ni lo. Dt. 27th Oct, 2006-ah Board vawi 63-na, rorèl 2-naah chuan hetiang hian kan hmu: “Hostel management thu: Hemi chungchâng thu hi ngaihtuaha sawiho niin tun dinhmun atânah chuan kan building leh sum leh pai dinhmun te ngaihtuahin tih rih loh mai nise tha tih tlàn a ni’ tiin. Hemi hnu Dt. 6th Dec, 2007(Tue)-a Board vawi 70-na, rorèl 1-na thuchhuak angin Boarding/Hostel hi kalpui tan a ni. Cook hmasa ber atân Lalfamkimi, Lunglàwn chu Dt. 5th Feb, 2008 khân thla tin Rs 1000 hlawh turin temporary appointment pêk a ni. Warden Hmasa Ber: Warden hmasa ber atân zirtîrtu thawk lai R. Lalhmingthanga chu Board vawi 70-na chuan a ruat a, ani hian harsatna a neih avangin a thei lova, hetiang hian teacher mipa atangin warden tur ruat a ni. • 1st – R. Lalnunthara • 2nd – Lalnunmawia Fânai • 3rd – J. Vànlalruatsaka • 4th – R. Lalhmingthanga SCHOOL DINHMUN: 1) Firms and Society hnuaiah hian kan School hi register thlap a ni a, kan registration number chu MSR 471 of 08.10.2012 a ni. 2) School din phalna (Permission) hi Mizoram Sorkar atangin Dt. 2nd February, 1997 khân kan hmu. 3) Mizoram Board of School Education (MBSE) atangin Dt. 27th February, 2003 khân Recognition kan hmu bawk a. 4) Dt. 1st October, 2008 atangin Middle Section hi Lump-sum Grand in-Aid dinhmunah hlànkài kan ni a. Kum 2009 atân Lump-sum grant sorkâr atangin Rs.1,20,000 kan dawng bawk. 5) Kum 2008 October thla tâwp lam atang khân Middle Section tân Mid Day Meal kan dawng tan leh bawk. 6) Kum 2010 khân SSA lam atangin Kitchen Shed sakna tur pawisa fai Rs.45,000 kan dawng a. 7) Kum 2010 July thla atang khân SSA atangin Primary Section tân Mid Day Meal kan dawng tan a. 8) Class - IX kan hawn tan kum, 2011 khân High School Permission hi kan hmu nghal bawk a. (Letter No.B.11013/22011-DTSE(EDN) Dated Aizawl, the 11th Nov., 2011). 9) Kum 2011 kha CCE Dàn (Continuous & Comprehensive Evaluation) hman tan kum a ni, kan School pawhin he Dàn hi kan zawm a ni. RESULT LAM: Kum 2012 amangin Class – X kan nei man a, 2017-ah Class – XII kan nei kan man bawk a; hetiang hi result kan lo neih tawh dan a ni:

CLASS - X Result

YEAR	APPEARED	PASSED	FAILED	PASS %
2013	17	15	2	88%
2014	11	9	2	81%
2015	16	15	1	93%
2016	27	19	5 (with 3C)	70%
2017	21	18	3	85%
2018	23	19	4	82%
2019	18	17	1	94%
2020	33	28	5	84%
2021	21	20	1	95%
2022	28	23	5	82%
2023	21	12	9	57%
2024	31	19	12	61%
TOTAL	267	214	50	-

CLASS - XII Result

YEAR	APPEARED	PASSED	FAILED	PASS %
2018	12	9	3	75%
2019	13	12	1	92%
2020	16	16	NIL	100%
2021	18	12	NIL	100%
2022	12	12	NIL	100%
2023	12	12	NIL	100%
2024	16	16	NIL	100%
TOTAL	99	89	4	-

Hetiang hian School hian Programme/Activities hrang hrang kan nei thin bawk: 1) Study Tour: Study Tour hi rokhawlhna a awm anih loh chuan kum tin neih thin a ni a, Class tina a ti tha zual te thlang chhuakin Mizoram pâwn leh Mizoram chhûng hmun pawimawhte tlawh thin a ni. 2) CEC Help (LAD, PYD): Kum tinin Lunglei District PYD leh LAD lam atang hian tanpuina pawisa fai chêng engemawzât kan dawng thin. 3) Hall Sak mek: Tûn (2024)-ah hian School Hall tur Feet 20x45-a lian sak mêk a ni. 4) Sport (Annual/HS): Kum tin hian School Annual Sport neih thin a ni a, heta tang hian kan naupangte atangin inelna sâng zâwka tel tura thlan chhuah te kan nei kum tin thin bawk. 5) CCA: Chawlhkâr tin Zirtâwpni chawhnu apiang hian Co-Curricular Activities hun hman thin a ni a, hetah hian naupangte thiam thil leh zirna piah lama kut themthiam thil chi hrang hrang te tih tîr thin an ni. 6) Awareness: Hun remchâng kan neih apiangin Naupangte hnênah Child Protection, Drugs, Carrier Guidance, etc. chungchângah Awareness Campaign neih thin a ni a, Police Departrment Crime Branch lam te leh District PYD Education Committee lam ten hun an rawn hmang thin a ni. 7) Financial Campaign: Mizoram Rural Bank leh Reserve Bank of India lam atangin School-ah Financial Campaign min rawn neih chilh thin bawk. 8) Joint Meeting: School Board leh Staff ten Joint meeting kan nei thin a, hetah hian School hmasawnna lam leh thil pawimawh hrang hrang te sawiho thin a ni. 9) Medical Report: Sub Centre atangin naupangte hnêna sem tur Rulhût hlo & Iron kan dawng thin a, tin, Vaccine kan dawng thin bawk a. 10) Futsal: Kohhran Office lam te leh School dang te nen Futsal khelh thin a ni bawk. 11) Study Camp: Kum tin October thla atang hian Class X & XII-te Study Camp neihpui thin an ni. 12) Cleanest student: Cleanliness Incharge lamte hmalâknain thla tin Class tina naupang fai ber thlan thin niin lawmman pêk thin a ni. 13) Zirlai chawimawina: Board Exam titha (Class X & XII)-te hnênah lawmpuina thilpêk(Award) hlan thin an ni a, pawisa fai leh Memento hlan thin an ni. 14) 2025 – 2026 Session atang hian Class tina a titha pakhatna atanga pathumnate chu a thlawna Admission tihsak an ni ang. 15) Gospel Meeting: Naupang ten Pathian thu leh thlarau lama nun tak neia Pathian thu lama hmasawnna an neih theih nân kum tin Gospel Meeting neih thin a ni. 16) Parade: Kum tin Independence Day leh Republic Day Celebration-ah School hmingin Parade ve thin a ni bawk. Pathian kaihhruainain School pawhin hma lam kan pan ve zêl a, tlâng tina Kohhran hoten in tawngtainaah min lo hre ve thin turin kan ngen che u a, School tâna tha leh zung, sum leh pai leh ngaihtuahna sêngtu zawng zawngte chungah lawmthu kan sawi tak meuh a ni e.