Lunglawn khuaah hian kum 1955 vel khan U.P.C Kohhran hi lo ding tan tawha hriat a ni. Sist. Darnghilhlovi’n a ram chu Biak In sak nan a hawhtir a, Biak In pawh sak nghal a ni. Kum 1956-ah Pastor-in Biak In chu hawnna a nei a, hemi kum vek hian Kohhran form-na a nei nghal bawk, chuta Kohhran hruaitute chu hengte hi an ni.

Kohhran Hruaitute (1956)

Chairman	Upa Lalkhuma
Secretary	Local Pastor Kamliana
Treasurer	Upa Vaibila
Kohhran Upa te	1. Upa Lalkhuma 2. Upa Darhuna (Laipawnga) 3. Upa Vaibila
Rawngbawltute	1. Lalsanga 2. Sist. Laizami 3. Sangsela 4. Sist. Darnghilhlovi
Local Pastor	Kamliana

Kum 1957-ah Pastor Lalbiakthanga, Biate chuan Lunglawnah hian rawngbawlna a rawn nei a, Lunglawn Lal fanu Sist. Lalhmingthangi’n Isua hmingin Baptisma a chang nghe nghe a ni. Hemi rawngbawlna kal zelah hian kum 1958-ah Lunglawn Lal Tawnluaia Zadeng te nupain Isua hmingin Baptisma an chang ve leh a ni. Anni bakah hian Pu Kailiana te nupa, Pi Sapi leh Pu Saitawna ten an rawn belh leh a, hetih lai hian Member 70 vel an ni awm e. (Hei hi Lunglawn Lal fanu Sist. Lalhmingthangi sawi dan a ni).

Hetia Kohhranhote lungrual leh hlim taka an kal ho lai hian, Thlarau hlimna chungchangah Kohhran hruaitute ngaihdan leh pawm chin a inan tak loh avangin, Kohhranhote hmun khatah an lawi ho reng thei ta lo va, AOC lamah tuna an Biak In hmun hi Pu C. Thangchema, Revenue Department-a thawk chuan Pu Thangtawna in hmun, tuna AOC Biak In hmun hi, hmun dang tha zawk ngaihtuahsak a; chumi nena inthleng tur chuan a dilsaka, a niin a lo remti ta hlauh va. Lunglawn-II, tuna Ramthar AOC Biak In hi a lo ding ta a ni. Kohhran member eng emaw zat an inkhawm hrang ta a ni.

Hetianga Kohhran an lo inthen takah chuan, Lunglawn Kohhran pawh ding reng thei an ni ta lo va, an lo rem zui ta a ni. AOC (Tuna Ramthar Local) ah hian hun eng emaw chen lungrual taka an lawi ho hnuin, Lunglawn leh veng thenkhat atanga AOC-a lawiten, remchang zawka hriatna avangin Lunglawn Kohhran din tura hmalak a ni a. Lunglawn Kohhran a ding a nih chuan Pu R.Zaikunga’n a nu, Sist. Laizami hriatreng nan Biak In hmun pek a tum thu, hetih laia Chanmari bialtu Pastor P.C. Rosanga hnenah a lo hriattir bawk a. Kohhran in dan duhtute a tiphur hle a ni.

In Dan Duh Chhungkua Thenkhatte

1. H. Buanthanga te chhungkua
2. C. Zohmingmawia te chhungkua
3. L.P. Thanzuala te chhungkua
4. P.C. Hrangchungnunga te chhungkua
5. F. Lalzawmliana te chhungkua
6. H. Rohmingliana te chhungkua
7. Vanlaldika Sailo te chhungkua
8. H. Thangchuanga te chhungkua
9. Neihthangi te chhungkua
10. Nghakliana te chhungkua
11. Dengbana te chhungkua
12. Zothanthuami te chhungkua

Biak In hmun tur Pu R. Zaikunga’n, a nu Sist. Laizami hriatrengna atan a lo pe fel ta bawka, Ni 12.5.1993 (Nilaini)-ah a hmun hlanna leh lawmthu sawina nei pahin, a hmun sam fai hnatlang an nei a. Hemi hun hi Sist. Velthangin a kaihruai a ni.

Kohhran in dan dan tur chungchang ngaihtuahin, Ni 13 June, 1993 (Pathianni)-ah Ramthar AOC Biak Inah General Meeting, Bialtu Pastor Rev. P.C. Rosanga kaihhruaina-in neih a ni a, hetah hian member 23 an kal khawm a ni. Member kal khawmte chuan Kohhran in dan chu lungrual takin an pass (remti) a. A hming atan LUNGLAWN U.P.C. tih an pawm tlang bawk.

Kohhran thar hawnna hi Ni 14 June, 1993 (Thawhtanni) zanah Bro. H. Rohmingliana In, Pangkai veng, Lunglawnah Bialtu Pastor, Rev. P.C. Rosanga kaihhruainain Rev. H. Chalchhunga, District Pastor-in a nei ta a ni. Hetih lai hian Biak In an la neih loh avangin, Bro H. Rohmingliana inah inkhawmna hi an nei thin a ni.

Kum 1993-1994 Kohhran leh Department Hruaitute

KOHHRAN UPATE:

• Upa L.P. Thanzuala
• Upa P.C. Hrangchungnunga
• Upa F. Lalzawmliana

RAWNGBAWLTUTE:

• Bro. Vanlaldika Sailo
• Bro. C. Lalnghakliana
• Bro. H. Thangchuanga

Dt. 9.1.1994-ah Rawngbawltu lak belhte: Bro. F. Lalmuankima, Bro. L.H. Lianzika, Bro. H.S. Lalngheta, Sist. R. Lalremsiami.

LOCAL HRUAITUTE (1993 - 1994)
Chairman	Upa P.C. Hrangchungnunga
Secretary	Upa F. Lalzawmliana
Treasurer	Bro. C. Lalnghakliana
Sawmapakhat Treasurer	Bro. Vanlaldika Sailo

MISSION DEPARTMENT HRUAITUTE
Director	Bro. Thangzuala
Secretary	Bro. Vanlaldika Sailo

SUNDAY SCHOOL DEPARTMENT HRUAITUTE
Superintendent	Upa P.C. Hrangchungnunga
Secretary	Bro. H. Thangchuanga

LADIES AUXILIARY DEPARTMENT (L.A.D) HRUAITUTE
President	Sist. R. Lalremsiami
Vice President	Sist. Velthangi
Secretary	Sist. Zothanthuami
Asst. Secretary	Sist. C. Zosiamliani
Treasurer	Sist. R. Zairemthangi
Fin. Secretary	Sist. Neihthangi
Adviser	Upa L.P. Thanzuala

PENTECOSTAL YOUTH DEPARTMENT (P.Y.D.) HRUAITUTE
President	Bro. Remsiama (19.9.1993 thleng) Bro. L.H. Lianzika (20.10.1993-1994)
Secretary	Bro. Lalrinzuala (19.9.1993 thleng) Bro. Vanlaldika Sailo (20.10.1993-1994)
Treasurer	Bro. P.C. Lalhmangaiha (19.9.1993 thleng) Bro. F. Lalmuankima (20.10.1993-1994)
Adviser	Bro. P.C. Lalnghakliana (19.9.1993 thleng) Upa F. Lalzawmliana (20.10.1993-1994)

PENTECOSTAL CHILDREN DEPARTMENT (P.C.D) HRUAITUTE
President	Sist. Zothanthuami
Vice President	Bro. Lalrinzuala
Secretary & Treasurer	Sist. R. Zosiamliani
Adviser	Upa F. Lalzawmliana

Biak In Sak Chungchang

Biak In sak pawh theih ang anga chhunzawm zel a ni a. Biak In hi sak zawh a nih hnuin, Ni 15.5.1996 (Sat) zanah Biak In an neih hmaa an lo inkhawmna thin, Bro. H. Rohmingliana in chu thlahna inkhawm an nei ta a ni. Tichuan Ni 16 June, 1996 (Sun)-ah Bialtu Pastor, Rev. C. Darkhuma’n a hawng ta a ni. Biak In saknaa senso zawng zawng hi Rs. 35,537.50/- a ni.

Biak In sakna atan hian thil pek tam tak dawn a ni. Chung thil petute chu hengte hi an ni:

• Bro. H. Rohmingliana - Rs. 1000/-
• District Headquarter atangin - Rs. 3,500/-
• Evan. Lalzuithanga, Venglai - Rs. 500/-
• Evan. Zopianga, Chanmari - Rs. 300/-
• Bro. T. Lalsanga - Rs. 100/-
• Upa Lalsanga, AOC - Rs. 100/-
• A.O.C. Kohhran - Rs. 100/-
• Sist. Kapsangi, A.O.C. - Rs. 100/-
• Bro. Vanthanga, Luangmual - thingzai 4x3 (5 Nos.)
• Sis. Engzami - Chini 1 kg leh Thingpuife
• Bro. T. Lalsanga - Chini 1 kg leh Rs. 100/-

Biak In luah hnu hian heng mite hnen atang hian thil pek an dawng bawk:

1. Pu R. Zaikunga hnen atang hian Biak In hmun bakah khuangpui pakhat leh black board.
2. Pu F. Sapa EX M.L.A hnen atangin Petromax.
3. Pu F. Lalzuala, M.L.A. hnen atangin Tingtang.
4. Bro. C. Zohmingmawia hnen atangin Thawhlawm khawnna pahnih leh Tea tray.
5. Bro. F. Khualluta hnen atangin Pulpit Chair pakhat leh Notice board.
6. Ramthar A.O.C. Kohhran atangin Bench 6 leh Khuang dahna.

Heta Biak In thar luah a nih hnu hian, Setana hnathawh avangin Kohhranah harsatna neuh neuh a lo thleng fo va, member eng emaw zatin Good Friday pawh an hmang hrang hial a, District Hruaituten inrem leh tura hma an rawn la chungin, inremna tak tak a awm theih tak loh avangin, Mizoram U.P.C. inti te lamah member eng emaw zat an chhuak a ni.

Hetiang khawpa Lunglawn (Zaia veng) Kohhranin harsatna leh hliampui a tawk thin chung hian, Pathianin a Kohhran chhiat vek phal lovin, a Kohhran tung dingtu tur, amah leh a Kohhran hmangaih tlattu a ruat zel a. Hetianga mi thenkhat ten Kohhran an chhuahsan chung hian, Lalpan he Kohhrana lawi tur mi tha tak tak min pek belh ve zel a. Chu mai chu ni lovin, kum 2007 a lo inher chhuah meuh chuan, Biak In thar sa tura rel a lo ni ta hial a ni. Kohhranhote inpekna Lalpan mal a sawm a, Loan te lain tuna kan luah lai, a dung 54ft, avang 27ft hi sa zovin luah theih tura peih fel a lo ni ta a ni. Kohhranhoten Pathian hruaina leh malsawmna changin, sum leh pai lamah te, bungrua (Properties) lamahte nasa takin hma a sawn ve zel a, Ni 13 June, 2018-ah Kohhran din Champha vawi 25-na (Silver Jubilee) lawmna neih a lo ni ta hial a ni.

Hetianga Kum 2021-2022 atana Kohhranpui leh Department hruaitu turte ruat fel a nih hnu leh, nihna inhlan chhawn (charge inhlan) turte tihfel vek a nih hnu hian BIAK IN HMUN sawn chungchangah Kohhranin harstna lian tak mai a tawk hlauh mai a. Hemi thuah hian ngaihdan a inan theih tak loh avangin, mi thenkhatin Kohhran inthen a, Local thar din turin hma an la ta a. A in dang duh turte hming lain, Luangmual Bialtu Pastor Rev. Lalbiakdika Chawhte hnenah Kohhran in dan dilna an thehlut ta a ni. Hemi chungchang hi Luangmual Bial Section Board chuan a ngaihtuah hnuin, an dilna chu phalsak an ni ta a. A hming atan an duh ang ngeiin TLANGNUAM LOCAL, LUNGLAWN tih chu pawmsak a ni nghal bawk.

Hetianga a hming pawh tihfel vek a nih hnu hian Kohhran hming thlak an duh thu, Section Board-ah an dil leh a, chu chu Section Board-in a ngaihtuahsak leh hnuin, hming thlak an dil angin TLANGNUAM LOCAL tih chu LUNGLAWN LOCAL tia thlak phalsak leh a ni. Tichuan Lunglawn Local Kohhran hawnna chu Ni 20 February 2021 (Inrinni)-ah, Pu H. Lalnunmawia inah Bialtu Pastor, Rev. Lalbiakdika Chawhte-in a nei ta a ni. Heta Lunglawn Zaia Veng Local atanga Lunglawn Local-a in dangte hi member 80 vel an ni. Biak In puia la lawite hi member 132 vel an la ni. Hetianga Kohhran an lo inthen tak avang hian, kum 2021-2022 atana Kohhran hruaitu turte pawh ruat that a lo ngai ta a. Ni 16 February 2021(Thawhlehni)-ah Bialtu Pastor hovin Local Church Board Meeting neih a ni a, Upa leh Rawngbawltu lak belh bakah, hruaitu hmun ruak hnawh khah nghal a ni bawk.

Kum 2021-2022 Kohhran leh Department Hruaitute

KOHHRAN UPATE:

1. Upa C. Fakzuala
2. Upa P.C. Hrangchungnunga
3. Upa H. Rohmingliana
4. Upa T.H. Lalropuia

RAWNGBAWLTUTE:

1. Bro. C. Rosanga
2. Bro. P.C. Lalhmangaiha
3. Bro. J. Sangkhuma
4. Bro. C. Lalkulhpuimawia
5. Bro. M. Rohmingliana
6. Bro. C. Lalvensanga
7. Sist. R. Lalremsiami
8. Bro. Lalrindika
9. Bro. C. Lalnunpuia
10. Bro. T. Lalthuthlunga

LICENCE HOLDER: Evan F. Khualluta, Gen. License Holder

KOHHRANPUI HRUAITUTE (2021-2022)
Chairman	Upa C. Fakzuala
Secretary	Upa T.H. Lalropuia
Treasurer	Rbt. C. Lalvensanga
Statistician	Rbt. J. Sangkhuma
Sawm-a-pakhat Treasurer	Upa H. Rohmingliana
District Conference Palai	Upa H. Rohmingliana
Buhfaitham Treasurer	Sist. Zothanpari
Relief Treasurer	Upa P.C. Hrangchungnunga
Christmas Treasurer	Rbt. C. Lalkulhpuimawia

Tun Dinhmun

Tun dinhmunah hian Lunglawn Zaia Veng Local-ah hian member 191 an awm mek.

KUM 2025 - 2026 KOHHRAN HRUAITUTE
Chairman	Upa T.H. Lalropuia
Vice Chairman	Upa P.C. Hrangchungnunga
Secretary	Rbt. C. Lalvensanga
Asst. Secretary	Rbt. J. Sangkhuma
Treasurer	Upa C. Fakzuala
Statistician	Rbt. C. Lalnunpuia

Heng a chunga hruaitu leh chanvo nei tura ruatte hian, Kohhran chanchin ziak thleng hian Pathian zarah rokhawlhna leh harsatna tawk lovin an chanvote lungrual takin an thawk theuh a ni. Lunglawn Zaia veng Kohhran chanchin kimchang deuha ziak tur hian, tun hma lam chanchin tlem-a-zawng han thai lan a ngai ve a, thenkhat chu kum tam deuh hlek liam taa mite an nih avangin, tihsual palh a awm thei ang tih ka ring. Tihsual palhah chhiartute ngaihdam ka dil nghal a ni.