SEKHUM KOHHRAN DIN DAN CHANCHIN

Sekhum khuaah hian Ni 25.7.1961 khan Rev. Saihnuna leh a rawngbawlpui te an lo lut a. Airawta inah innghatin rawngbawlna an rawn nei a, hemi tlai hian Pu Zaleta’n Baptisma a chang hmasa ber a, Thangziki, Lairothangi, Upa R. Khawmhluta, Kaitluangi, Upa Lalrema, Upa Zairingaia ten a hnu-ah an chang leh a ni. Hemi tuk Ni 26.7.1961 (Nilaini) hi Sekhum Kohhran lo din ni chu a ni ta a ni.

Hruaitu hmasa berte :

• Chairman : Upa Zaleta
• Secretary : Upa Lalrema
• Treasurer : Upa R. Khawmhluta

Rawngbawltu hmasa ber te :

• Rbt. PC. Lunghnema
• Rbt. R. Zairingaia
• Rbt. Lalbuanga
• Rbt. Thangkima

Pastor Saihnuna leh a thiante hi Sekhumah zan hnih khat emaw lek an cham chhung hian, member 85 lai an seng khawm hman a ni. Hetih lai hian Sekhumah hian mihring 234 vel an cheng. Ni 28.6.1961 khan Pastor Saihnuna leh a thiante hian Sekhum hi an chhuahsan leh a ni.

BIAK IN NEIH CHHOH DAN

Kum 1961 Kohhran din kum hian tuna Biak in dinnaah hian mau rapin Biak in sak hmasak ber a ni.

• Vawi 1 na : Kum 1966 Biakin hmasa Vai sipaiin an hal avangin a hmun ngaiah sak leh a ni.
• Vawi 2 na : Kum 1968 rambuai avangin Sekhum khua chu Mualthuam (N) ah sawi khawm an ni. Sekhum Kohhran hian Mualthuamah pawh an pualin Biak in an sa leh.
• Vawi 4 na : Kum 1973 hruai khawm kir leh a ni a, Biak in thar an sa leh.
• Vawi 5 na : Kum 1978 Thingzai tuakin Assam type-in an sa leh.
• Vawi 6 na : Kum 1996 khawvel a changkang zel a, Kohhranah pawh hmasawnna thar hmuh tur awm zelin, hemi tum hian Skirting chin Cement-in sak leh a ni.
• Vawi 7 na : Kum 2001 kumah hian Church Board Committee chuan Building Committee dinin, Church Board Committee leh Building Board tang kawp chuan, Cement Concrete-in tuna Biak in an sa leh ta a ni.

Sekhum Local-in rawngbawltu a chherchhuah (Pastor leh Licence holder) tawhte : Rev. PC. Lunghnema (L), Rev. PC. Lalrosanga, Pastor R. Lalremsiama, Evan. J. Lalchhuanawma, Evan R. Lalthlamuana leh Evan R. Laldawngliana te an ni.

DEPARTMENT HRUaitu HMASA TE

Missions Department (1973-ah din a ni) :

• Director : Bro Ngaihchhunga
• Secretary : Bro R. Vanlalmuana

Sunday School Department (Kohhran din tirh atanga kalpui a ni) :

• Director : Upa R. Khawmhluta
• Secretary : Bro R. Vanlalmuana
• Treasurer : Upa R. Khawmhluta

LAD (Kum 1975-ah din a ni) :

• President : R. Thangziki
• Secretary : C. Lalneihtluangi
• Treasurer : Sist. Pc. Remmawii

PYD (1975 January 19-ah din a ni) :

• President : Rbt. R. Lallungkhama
• Vice President : Bro. Ralliantawna
• Secretary : Bro. Thangtluanga
• Treasurer : Bro. R. Vanlalmuana

PCD (1988-ah din a ni) :

• President : Bro Pc. Lalhmunsanga
• Secretary : Sist. R. Lalhmachhuani
• Treasurer : Sist. Lalremliani

PMD (2018-ah din a ni) :

• President : Bro H. Zonunmawia
• Vice President : Bro. R. Ramdinsanga
• Secretary : Bro. H. Lalthakima
• Asst Secretary : Bro. R. Lalthangliana
• Treasurer : Bro R. Lalfakawma
• Fin. Secretary : Bro ZD. Lalzuithanga

HMALAKNA TLANGPUI LEH TUN DINHMUN

Kohhran hian Thlarauvah hma a sawn theih nan, Camping vawi eng emaw zat buatsaih tawh a ni. Chutiang bawkin Crusade pawh vawi tam tak buatsaih tawh a ni bawk. Kawng hrang hrangin sumtuak thin a ni. Department hrang hrangin Kohhran kut ke an nih inhriain, Kohhran tan an thawh hlawk hle bawk. Tin, tunah hian Biak in thar sak tumin Building Board te siamin hma chak taka lak mek a ni. Sekhum Kohhran hi Pathian zarah chauh chhiat tak tak an nei ngai lo a ni.

Sekhum hi Lunglei atangin 50 KM vela hlaa awm a niin In 80 vel khua an ni. Report siam lai (Kum 2025) hian Kohhran Member 231 an ni a, Kohhran In 45 vel an awm bawk. Upa - 5, Licence Holder - 3 leh Rawngbawltu - 11 an awm mek.

Kum 2025-2026 Church Board hruaitute :

• Chairman : Upa R. Lalsangzuala
• Vice Chairman : Upa Lalzarmawia
• Secretary : Rbt. Rohmingthanga
• Statistician : Rbt. H. Lalmuankima
• Asst. Secretary : Rbt. Pc. Zorammuana
• Treasurer : Upa C. Lalrohranga
• Fin. Secretary : Evan. R. Laldawngliana