RAMLAITUI KOHHRAN DIN DAN CHANCHIN

Ramlaitui khua hi Lunglei leh Thenzawl inkar tlang dunga awm niin, Thenzawl lam hnaih Lunglei atanga 60 Km vela awm a ni a. In 100 bawr vel khua an ni a. Chhipphir bial chhunga awm a ni.

Lunglei District U.P.C Chanchin ziahna bu phek 110-naa kan hmuh ang khan, Ramlaitui khuaah hian tun hmain, U.P.C Kohhran a lo ding tawh thin a. Biak in te pawh an nei a, amaherawh chu ram buai avang khan an Biak in chu tum hnih lai sipaiin an halsak a ni. Kum 1968 hruaikhawmah Mualthuam ‘N’-ah hruai khawm an ni a. Heta tanga kir leh zingah hian UPC member an awm tak meuh loh avangin, U.P.C Kohhran pawh chu a ding ta lo a ni.

Hmun hrang hrang atanga lo pem lut an awm ta zeuh zeuh a. Kum 2000 a lo her chhuah meuh chuan member 18 lai an lo tling ta a. Kum 2001 January ni 21-ah Bialtu Pastor C. Lalhriatpuia chuan Preaching Point anga la awm thovin, Kohhran form a ni a, chuta hruaitute chu hengte hi an ni :

• Chairman : Bro. C. Kapzama
• Secretary : Bro. P.C. Vanlalthanga
• Treasurer : Bro. Zoramlawma

Kum 2005 January ni 6 atangin Bial rorel angin Preaching point mai ni lovin, Local-ah puan a ni ta a, hetia Local anga an din dawn takah chuan, hruaitu inruat tharna te pawh bialtu Pastor Aichhunga hovin neih a ni a, chuta hruaitute chu heng mite hi an ni :

• Chairman : Upa P.C. Rosanga
• Secretary : Upa C. Kapzama
• Treasurer : Sist. R. Lalrimawii
• Sawma pkahat : Upa P.C. Vanlalthanga
• Treasurer BFT : Upa P.C. Rosanga

BIAK IN NEIH DAN LEH SAK CHHOAN DAN

Local angin ding mahse; Biak in an nei mai lo va, an neih theihna turin Lalpan a mite thinlungah nasa takin hna a thawk a, hetiang hian hmun hrang hrang atangin tanpuina an hmu a ni :

1. District Hqrs. atangin : A chung tur rangva leh Rs 2,500.00
2. Pukpui Bial : Tile phek 30
3. Mualthuam Vch Local : Perek 6 kgs.
4. Venghlun Local : Khuangpui
5. Chhipphir Bial : Rs. 2,500.00
6. Collegeveng Local : Dar
7. Rahsiveng Local PMD : Dar thar Rs. 750 man
8. Rev. Saithanga Venghlun : No 2 dozens
9. Sist. Chhandami & Rimawii : Tea Tray

Heng bakah hian a hmun laihah Thenzawl PYD ten nasa takin an pui a. Tichuan Chhipphir bial Local hrang hrang atanga Work Camp neiin ni 3 chhung (Ni 3-5.4.2002)-in Biak in chu a dung 24 ft, a vang 15 ft-a lianin luah theihin an peih ta a ni. A bang Tile, a chung rangva leh a chhuat Cement-a zut a ni a. He Biak in sak nan hian tha 132 sen a ni. Tichuan Ni 13.3.2004-ah Bialtu Pastor Aichhunga’n Pathian hnena hlanna leh hawnna a nei a. He hunah hian bial chhung atang mai bakah Thenzawl leh Lunglei Venghlun atang te-in Thlarau mi an fuankhawm tha hle a. Thlarau lam boruak pawh a tha hle a, vawk leh ar-in ruai buatsaih a ni bawk. Kum 2013 khan Biak in chu thliin ti chhiain, District atangin sak leh a ni a. Hun a lo kal a, luah zui a ni ta lo deuh a. Biak in hmun thar atan khaw laili tak, Upa PC. Vanlalthanga In luah lai chu Nuai 4-a lei a ni ta a ni.

TUN DINHMUN

Kohhran member an tlem a, Biak in sak an mamawh hle bawk si a, Biak in hi Concrete ban nen, a chhuat slab-in tha takin kum 2025 hian sak a ni. Laizawnnu PC. Lalramkungi, Lunglei Venglaiin Biak in sakna atan hian Rs. 1,00,000 a thawh. Biak in sa hian bial mipuite an hah hle a, chu bakah bial pawn atangin Work Camp te pawhin Biak in hi sak puitu an nei. District atanga Biak in sak tanpuina nen sak chhunzawm a ni. Report siam lai hian Biak in hi an la luah lut lo deuh. Tunah hian Kohhran member 13 (kum 2025 report) ah an awm mek. Kum 2025 atangin District Missions-in field-ah neiin, Evan. Lalthlamuanawma chu Home Missionary hmasa ber turin a awm a. Report siam hian Evan. Lalhriatmawia chu Home Missionary ni mek a ni.

Kum 2025-2026 Local hruaitute chu :

• Chairman : Upa PC. Vanlalthanga
• Secretary : Rbt PC. Lalbiakchhingi
• Treasurer : Rbt R. Laikunga
• Statistician : Home Missionary te

Upa - 1 leh rawngbawltu - 4 an awm mek.