KOHHRAN DIN A NIH DAN :

Zobawk khaw chhungah hian 1967 April atangin UPC mei mit lovin Kohhran a lo kal chho ngar ngar tawh a. A khua hi khaw dung sei tak niin, Local pahnih Zobawk Local leh veng thlangah Immanuel Local a lo ding sa tawh a. Hetih lai hian a veng thar lamah UPC Kohhran a la din ve loh avangin din ngei tul nia hriatna a awm a. Vengthar lama UPC Kohhran din tur hian hma lak a ni ta a ni.

Date 2 April, 2017 (Sunday) khan Kohhran thar din turin Rev. R. Lalrosanga, Lunglei District UPC Superintendent hovin inkhawmna atana thla khata Rs. 2000 chawia luah, Pu Lalrothara (BCM) inah inkhawmna neih a ni ta a. Theiriat Bialtu Pastor Rev. VL. Hmuaka leh bial hruaitu dangten, he inkhawmna hi an telpui a. Kohhran thar hming tur atanah eng nge ni ang tih a nih laiin, Rev. R. Lalrosanga chuan, "'United Pentecostal Church of Northeast India, Zobawk Vengthar Local' tih a ni ang,” tiin hei hi Kohhran thar ding hming a lo ni ta a ni.

Kohhran thar dingah hian Bialtu Pastor Rev. VL. Hmuaka chuan hruaitu form nghalin heng mite hi hruaitu hmasa atana ruat an ni:

Hemi ni hi Zobawk Vengthar Local (NEI) inkhawmna hmasa ber a ni a. Rev. R. Lalrosanga'n bul min tansak a. Bialtu Pastor Rev. VL. Hmuaka'n min telpui bawk a, hlim takin Thlarau lam hla nen Lalpan bul min tansak a. Kohhranhote kan lawm tak meuh a ni. Kan theihnghilh leh tawh ngai lo vang.

BIAK IN SAK A NIH DAN :

Chutia Kohhran a lo din takah chuan, biak in hmun tur zawn a ni a. Pu H. Lalawmpuia leh Pu Lalthlangliana Sailo te in hmun (LSC) chu lei tura dawr niin, Lunglei District UPC inkaihhruaina angin District atangin biak in hmun tur atan (Rs 1,80,000 man) lei a ni ta a. Biak in sakna atan hian Apex bank-ah Rs. 5,00,000 puk a ni a. Ni 5 March, 2018 (Thawhtanni) khan a tum khat nan hnatlang neih niin ban khur laih tan a ni a. A lung phum turin District Superintendent Rev. R. Lalrosanga chah a ni a. Amah tawiawm hian Rev. C. Vanlalena,DistrictSecretary leh Rev. C. Lalrintluanga, District Treasurer an rawn kal bawk.

Biak in sak ngawrh taka thawh a nih mek lai hian, District inkaihhruainain a phal angin biak in sak tanpuina dil a ni a, Rs. 1,00,000 hmuh a ni a. Kohhranho kan lawm hle.

Date 1.12 2018 (Inrinni) zan a lo nih chuan, biak in chu peih fel la ni chiah lo mah se la, Kohhranin a mamawh tawh si avangin inkhawmna atan hman tan a lo ni ta a. Hemi hnu hian Apex bank, Zobawk Branch atangin loan Rs. 15,00,000 lak belh leh a ni a. Sak chhunzawm zel niin Date 21 October 2023 khan bialtu Pastor , Rev. K. Lalchhuansanga chuan hawnna neiin, ruai nen hlim takin hmang a ni.

Kohhran din tirha hruaitu hmasa berte :

2017 – 2018 KOHHRANPUI :

MISSIONS DEPARTMENT :

SUNDAY SCHOOL DEPARTMENT :

LAD :

PYD :

PCD :

Kum 2025 – 2026 hruaitute :

Report siam lai (2025) hian Kohhran member 73 an ni a, Zobawk Vengthar kohhran hi kohhran inlungrual leh chak tak, Thlarau thianghlim leh a hnathawh ngaisang a, chawi nung tlat thin Kohhran a ni. Tunah hian Sunday School Hall tha tak an sa mek a, a chungah Committee Hall dah an tum bawk.