Zawlpui khua hi PB Road tlang dunga awm niin, he lai tlang dungah chuan khaw lian leh pawimawh ber pawl a tih theih awm e. Kum 1998-ah Pu Lalpuia te chhung hi Khawmawi atangin an pem lut a. Anni chhungkua hi Khawmawi atanga UPC ni sa an ni. Inkhawmpui tur pawh nei lovin, anmahni chhungkuain an awm reng a. Hun eng emaw chen hnuah Sorkar lamin Police Outpost, Zawlpui hmunah hian an rawn dah a, 2nd Batallion MAP chu dah an ni ta a ni. 2nd Batallion MAP zingah hian Luangmual atangin kan Kohhran rawngbawltu, Bro. Lalnuntluanga leh Bro. Zoramthlira te pawh Zawlpuiah hian post an ni ve a. Anni hian theih tawpa rawngbawlin Kohhran din ngei turin tan an la a. Kum 2001 January thlaah Bro. Lalhmangaiha Sailo, Venghlun leh Bro. Zothana, Venghlun te chu rawngbawlin an lut bawk a. Theih tawp chhuaha an rawngbawlna te Lalpa’n mal a sawm a, Ni 12.3.2001-ah 'Zawlpui Local UPC' chu din a lo ni ta a ni.

Zawlpui hi Thenhlum biala awm a nih angin Thenhlum bialtu Pastor, Rev. PC Nghakliana’n Kohhran a form a, hengte hi hruaitu hmasate chu an ni.

Kohhran din a nih hian an vaiin member 16 an ni a, Kohhran member thenkhat hi hmun dang atanga Sorkar hna thawkte an nih avangin, a changin an han pung a, a changin an han kiam leh deuh thin a. Tun dinhmunah tak hian member 25 an tling ve ta a ni.

Biak in din dan :

Kum 2002 khan District Superintendent, Rev. Zalawma hovin mi 8 lai Lunglei atanga chhukin, work Camp neiin Biak in an sa a. Chawlhkar khat chhungin Biak in chu luah theihin an sa peih hman a ni. Biak in chu a dung 30ft a ni a, a vang 18 ft-a lianin an sa a. A chung rangva hi District Kohhranpuiin a tumsak a, a hmun pawh District lamin an lei a ni bawk. Chumi hnuah chuan tuna Biak in luah lai hi Kum 2015 atanga sak tan niin, a dung leh vang hi feet 36/24 a ni. Field hawn a nih laia Field Evangelist awm tawhte chu: Evan. Andrew Lalremsanga Sailo, Evan R. Lalsangzuala leh Evan Zoramchhana Sailo te an ni. Chumi hnuah Pastor bial thut hmun an lo ni ta a ni.

Tun dinhmun :

Tunah hian Kohhran member 53 (2025) an ni mek a.

Kum 2025- 2026 Kohhran hruaitute :