Tawipui S hi Tawipui khua kawngpui dunga an chhuk thlak hnu a, a chhim lam veng chu a ni a, Lawngtlai kawnga awm a ni.

Tawipui S Khua hian UPC hming chu an lo hre ve tawh thin nain, an kal dan leh chanchin engmah an la hre ngai lo a. Vawi khat chu Thlarau pawlna changin Pu. V. Paliana chu thawk leh khatah a UPC ringawt mai a. Baptist Kohhran chu a chhuahsan lo a, Mahse a pum hian UPC niin a inhre tlat mai si a. A duh thlan leh a chhia leh tha hriatna atang pawh ni lovin, Dt. 8.10.1957 atang chuan a nupui fanaute pawh hruai lovin, amah chauhin a UPC tawp mai a. A hnu deuhah Baptisma chu a chang ta a ni. Amah chauh chuan khawhar takin a awm a, zawi zawiin belh chhahtu chu a nei ve zel a. Kum 1979-ah Mualcheng S atangin Bial Centre, Tawipui S-ah hian sawn a ni a. Kohhran member pawh 30/40 vel an tling chho ve hman a. Kum 1982-ah chuan Bial Centre (Pastor Quarters) chu Tawipui N-II-ah sawn a ni leh ta a ni.

Biak In an neih hma hian Pu. V. Paliana te In chu inkhawm nan an hmang thin a ni. Mi tlem te an nih avangin tumah hruaitu han inruat tur chuang an awm lo a, Pu. V. Paliana te chhung chu an rim hle thin a ni. Pu Vanlalsanga te chhungkua nen theih tawp chhuahin Kohhran an enkawl ta a ni.

Kohhran hruaitute hmasate :

1997 - 2007 thlenga hruaitute chu heng mite hi an ni.

CHAIRMAN :

1. Upa. Vansanga ( 1997 – 1998 )
2. Upa. H. Lalnuntluanga ( 1999 – 2000 )
3. Upa. Patha ( 2001 – 2004 )
4. Evan. Lalbiakdika Chawhte ( 2005 – 2007 )

SECRETARY :

1. Upa. H. Lalnuntluanga ( 1997 – 1998 )
2. Evan. Lalbiakdika Chawhte ( 1999 – 2003 )
3. Rbt. Lalnunmawia ( 2004 – 2007 )

TREASURER :

1. Evan. Lalbiakdika Chawhte ( 1998 – 2000 )
2. Upa H. Lalnuntluanga ( 2001 – 2002 )
3. Upa Patha ( 2003 – 2006 )

Kum 2021 – 2022 chhunga Kohhran hruaitute :

• Chairman : Upa Malsawmthanga
• Vice Chaiman : Sr. Upa. Zabuaia
• Secretary : Rbt. Lalnunmawia
• Treasurer : Sist. Lalrodingi. ( Adingi )

Department lam erawh chu Missions Department leh Sunday School tih loh chu mumalin an ding thei meuh lo a ni.

Tawipui S atanga Licence neia rawngbawltu chhuakte chu heng mite hi an ni. 1. Evan. V. Paliana. 2. Rev. Lalbiakdika Chawhte.

Biak in sak dan :

Biak In hi vawi thum sak tawh a ni a, a hmasa ber chu Maurap-in sak a ni a. Biak in pahnihna hi 27 x 15 feet-a liana sak a ni a. Kohhranhoten theih tawp an chhuah a. Thingte zaiin an tuak a, Assam type-in ( thingzai leh tile, a chung rangva ) sak a ni a. District atangin Rs. 4,000/- tanpuina an dawng bawk a ni.

Biak in pathumna sak nan hian, Tawipui Bial Inkhawmpuiah appeal siamin sum ngaihtuah a ni a. District Kohhranpui atangin Rs. 1,50,000/- dawn a ni a. A ban leh beam RCC-a chhun a ni a, Tile leh rangvaa sak a ni. Dt. 08.04.2022-ah khan Rev. H. Rothuama'n a hawng ta a ni. Kohhran hmasawn zelna tur beiseiin, Kum 2018-2020 chhung hian Tawipui Bial Kohhranpui hmalaknain Bro. Lalnghakliana of Luangmual Lunglei chu Evangelist hna thawk tura rawih a ni.

Tawipui S Local hi Kum 2023 kum tir atang khan Preaching point-ah dahin Kohhran hi form a ni ta lo a. District Missions Department atangin Kum 2024-ah khan thla thum chhung Missionary rammut tir a ni a. Kohhran din thar leh nan theih tawp chhuah zui zel a ni.

Tawipui South Preaching Point-ah hian member 15 (kum 2025 report) ah an awm mek a ni.