Kohhran Din Tan Dan

Tawipui North-I hi Lunglei District niin Lunglei atanga 40km Lawngtlai Road-a awm a ni a, Tawipui Section huam chhunga awm a ni. A khuaah hian Kum 2025-ah hian in 170 vel awmin Kohhran Pathum, BCM, PCI leh UPC(NEI) te kan awm a, Population-ah hian 700 – 750 vel kan cheng mek a ni.

UPC Kohhran hi Ni 1 June 1987-ah a lo piang a, Pu Chhawntlirha (L) leh Mi dang pasarih ten Isua hmingin Baptisma changing Kohhran hi an lo din a ni.

Kohhran a din tirh hian Member 31 lai an ni a, Ni 1 January 1988-ah Kohhran form-na neih a ni a, Bialtu Pastor Aihrima’n a form a, Upa atan Pu Chhawntlirha chu ruat nghal a ni, Hemi kum 1988 March thla atangin Biak In sak nghal a ni a, a dung 24ft, a vang 15ft-a zau a ni a, a bang dap leh a hmanraw dang thingzai hmangin an sa ve a ni.

Kum 1989 -1990-ah Kohhran form-na neih leh a ni a, Pastor PC. Rosanga’n form-na a nei a, Hruaitu atan hengte thlan chhuah an ni.

Church Board Hruaitute (1989-1990):

• Chairman : Upa Chhawntlirha (L)
• Vice Chairman : Upa Zangaia (L)
• Secretary : Bro Lianmawia
• Treasurer : Bro Rinzuala (L)

Upate :
1. Upa Chhawntlirha (L)
2. Upa Zangaia (L)
3. Upa Aimawia (L)

Rawngbawltute :
1) Chhawntlirha (L)   2) Zangaia (L)   3) Aimawia (L)
4) Lianmawia   5) Vanlalmuana (L)   6) H. Biakthanga

Department Hruaitu Hmasate

MISSION DEPARTMENT :

• Director : Upa Aimawia
• Secretary/Treasurer : Bro Vanlalmuana

SUNDAY SCHOOL DEPARTMENT :

• Superintendent : Upa Zangaia
• Secretary : Sist Zemawia

LAD HRUAITUTE :

• President : Suangnawni (L)
• Vice President : Lawmzuali (L)
• Secretary : Zemawii
• Asst Secretary : Nunnemi
• Treasurer : Lalhnemi (L)
• Fin. Secretary : Thianghlimi
• Committee Members : Biakkimi, Darkimi, Terami, Huathliangi

Biak In Sak Dan

Hun leh ni a liam zel a, Member te pawh pung chho ve hlek hlekin Member 50 chuangte kan awm chho ve hman hial a ni. Hruaitu hmasa ten mual an liam zauh zauh a, a thente hi eizawnna avangin an pem chhuak bawk a, chuti chung chuan Kum 2002 kum-ah chuan Biak In pawh sak that ve leh a ni a, a dung 30ft leh a vang 18ft, a bang tile leh a chung rangvaa sak a ni ve leh a, chu chu tun Kum 2025 thleng hian luah a ni.

Biak In kan luah lai mek hi a hmun te a that tawk loh avangin District hruaitute hnenah Biak In hmun Leina dil a ni a, District Board remtihnain Rs. 80,000/- in Tawipui N-I Dinthar vengah, Pu K. Vanlalkunga In hmun chu lei a ni a, Date 20.10.2023 khan Biak in sak lungphumna neih a ni a, Rev. R. Vanlalenga, Bialtu Pastorin Biak in lungphumna a nei. Kum 2024 June thla atangin Biak In sak tan a ni.

Biak In hi RCC-a sak a ni a, a dung lam 54ft, a vang lam 27ft a sak mek a ni a, Date 13.12.2025 Inrinni zan khan Biak in hi luah luh a lo ni ta a ni.

Tun Dinhmun

Tawipui North -I ah hian member 44 (kum 2025 report) ah an awm mek a. Upa - 3, Rawngbawltu - 4 an awm mek.

Kum 2025-2026 chhunga Kohhran hruaitute chu :

• Chairman : Upa H. Kaphranga
• Secretary : Upa H. Vanlalhminga
• Treasurer : Upa Lalmuankima
• Statistician : Upa H. Vanlalhminga