Local Chanchinleh Din Tan Dan

Chawnpui Local hi Tlabung khaw chhunga veng pakhat a niin, Zodin Local UPC atanga in dang an ni a. Dt. 19.9.1999-ah Pastor MS Dawngliana’n a form a. An in dan tirh hian member 70 an ni.

Hruaitu hmasate chu heng te hi an ni:

• Chairman : Upa. Vanlalnghaka
• Secretary/Treasurer : Upa. Sangtura

Hetia an in dan tirh hian Biak in an nei mai lo va, chuvangin Biak in neih ngei tumin theih tawp an chhuah a. Kum 2000 atangin an sual chho ta a. Hemi kum hian Biak in chu 30’x15’ a lianin luah theihin an peih nghal a ni. Kum 2022 khan District LAD leh District Kohhranpui hmalaknain Biakin RCC-in an nei ve ta a ni.

Biak In Thar Chhoh Dan

Tuna an Biak in luah lai RCC-a sak a nih danah hian, Chawnpui Local hi member tlem te an nih avangin, District LAD Conference rorel angin Chawnpui hi Biak in sak turin thlan a ni. Biak in sak a nih thu-ah hian Tlabung Section ang pawhin an lawm hle. Section mipuite pawh an phurin tha leh zung an seng nasa em em a ni. Upa Zohmingthanga, Chawnpui Local Treasurer chuan Rawra leh lung te, a ban leh beam box tur thingphek te a thawh nasa hle. Biak in turkverh tur Aluminium frame tur pawh Upa Zohminga bawk hian, Rs. 50,000 a thawh nghe nghe a ni. Tin, Biak in sak laia Section Treasurer Upa P. Vanlalbuka chuan enkawlin sum vawngtu a ni a, thahnem a ngai hle thin.

Tun Dinhmun

Chawnpui Local-ah hian member 43 (kum 2025) an awm mek a. Biak in leng zawng hi 40/18 feet a ni. Biak in hi Pastor R. Lalremsiama, Sectional Pastor-in a lung a phum a. Kum 2022 khan sak a ni. District LAD leh District Kohhranpui tangkawpin sak a ni a, Rs. 5,50,000 chu a sakna atan hian hmuh a ni. Biak in pawh hi Pastor R. Lalremsiama hian a hawng.