ZOTLANG LOCAL CHANCHIN

Kohhran din dan : Ni 17 November 1963 khan mi 4 - Taimanga te, Thangmawia te, H. Lalsawma te, Pi Thansiami ten Lalpa Isua hmingin Baptisma an chang a. He mi kum vek, December-ah mi 20 velin an belh leh a. Kohhran in-form-na engmah a la awm lo. Pu H. Lalsawma hi hruaitu ena an neih chu a ni rih mai.

Tlem tlemin member an pung hret hret a, Ni 3.5.1964-ah Kohhran in-form-na hmasa ber chu Pastor Hrangmawia’n a neihpui. Chuta hruaitute chu hengte hi an ni :

1. Upa C. Lalluta 2. Upa H. Lalsawma 3. Upa PC. Lalkunga

Hun rei fu anni hian hruaitu hna an chelh a, an lo pung chho zel a. Kum 1968-ah chuan member 94 lai an lo tling ta. District Pastor, J. Laltluanga chuan Kohhran a form tha ta a. Hruaitute chu heng mite hi an ni.

Chairman : Upa C. Lalluta
Secretary : Upa LH. Sanghluna (PYD President a kawp nghal)
Treasurer : Upa H. Lalsawma te an ni.

Biak in neih dan : Kum 1967 hian Biak in an la nei lo a, hruaitute inah an inkhawm mai thin. Kum 1957ah rambuai avangin Pukpui ho mi eng emaw zat, Zotui (Pukpui leh Zotlang inkar) ah an rawn awm a, inchawk hlim tham an lo nih tak avangin Biak in pawh an lo nei ve ta.

Biak in hi Vawi 5 sak tawh a ni a, Biak in hmasa ber hi Tlang chhip (tuna Tourist Lodge) bul velah neih a ni a. Ram buai laiin sipaiin an luah a, a chhe ta.

1. Biak in pahnihna hi Dap rapin sak a lo ni leh a. Thli chhiain a ti chhe ta.
2. Biak in pathumna hi Assam type-in sak a ni. Hun a lo kal det a, an leng lo thuai a. Biak in thar turin hmalak a ni.
3. Biak in palina hi kum 1987ah bul tan a ni a, a leng zawng hi 48/24 feet a ni.
4. Biak in pangana : Kum 2005-ah hmalak tan a ni a, a len zawng hi 73/34 feet a ni. Tuna Biak in luah lai hi Ni 10.5.2008 Inrinniah Building Board Secretary, Evan. C. Lallawmsiama’n hun kaihruaiin, Building Board Chairman, Evan. C. Laltluanga chuan hunserh a hmang. Hemi zawh hian hna thawh tan nghal a ni. Hemi ni hian mi 48 an hnatlang. Hun a lo kal zel a, Ni 18.12.2018 khan Rev. PC. Nghakliana, Bialtu Pastor chuan a hawnna a nei. Tlai lamah Biak in thar lawmna ruai ropui takin theh a ni.

Rawngbawltu chhuak tawhte : Zotlang Local atanga Licence/Pastor chhuak tawhte chu :
1. Rev C. Darnghaka
2. Rev H. Lalthanzama
3. Rev RK. Khiangte
4. Rev C. Lalhriatpuia
5. Pastor R. Lalengzauva
6. Pastor Lallawmsanga
7. Pastor F. Lalsanglura
8. Evan R. Pathima
9. Evan J. Lalchhuanawma
10. Evan C. Laltluanga
11. Evan C. Lawmsiama

Tun dinhmun: Zotlang Local-ah hian member 342 (kum 2025 report) ah an awm mek a. Upa - 5, Rawngbawltu - 6, Licence Holder - 1 an awm mek. Biak in nuam leh tha tak an nei. Sunday School Hall leh Committee room pawh Biak in sirah hian tha tak an nei bawk.

Kum 2025-2026 hruaitute chu : Chairman : Upa R. Lalhmelmawia
Vice Chairman : Upa C. Lalzawnthanga
Secretary : Upa Lalrinsanga
Asst. Secretary : Rbt. Hmingthanmawia
Treasurer : Upa F. Lalkungpuia
Statistician : Evan C. Lallawmsiama