VENGLAI LOCAL CHANCHIN

United Pentecostal Church, Venglai Local hi a lo din hma chuan, Rahsiveng, Lunglei khawpui chhunga UPC te chu an inkhawm thin a ni. Hun a lo kal zel a, Kohhran member-te pawh an lo pun ve zel avangin, Kohhran in dan hi a tha lawm ni tiin (Hetih lai hian Bawngveng tih a la ni) Kohhran Committee-ah thlenin ngaihtuah a ni a, hetiangin a hun, hmun leh member kalte han tarlang ila. Minute bua kan hmuh/inziah dan chu :

Kohhran Committee : Dt. 05.10.1969
A hmun : Upa Chhawntluanga In
A hun : Zing inkhawm ban
Chairman : Upa Lalzaruaia

Member kalte :
Upa Chhawntluanga, Pu Laiveta, Pu Dengsaia, Upa Chawngdailova, Pu Chalmawia, Pu Hualzika, Upa Hrangchhuana, Pu Darchhinga, Pu Khuancheuva, Pu Vaidenga

KOHHRAN INDAN DAN:
Bawngveng UPC Kohhran in dan dan tur thu ngaihtuah a ni. Kan awmna ram area te a lo zau tak avangin leh, member kan lo pun zel avangin Bawngveng Kohhran in dan hi thaa hriat tlan a ni. District Presbyter hriattir niin, Kohhran belpui chu pahnih ve vea insem niin, Holy Bible (Pathian Lehkhabu) pawh pakhat ve ve a insem a ni bawk. Ni 12.10.1969 (Pathiani) ah Rahsiveng Biak Inah inthlahna program neiin thingpui inna siam a ni bawk. Hemi atan hian rawngbawltute leh thawhlawm khawn awm deuhte hnenah thawhlawm hi khawn a ni.

Inthlahna Programme for 12.10.1969:
1. Chairman : District Presbyter
2. Sermon : District Presbyter
3. Thusawitute : 1) Upa Chhawntluanga, Rahsiveng 2) Upa Lalzaruaia, Bawngveng
4. Zaikhawmna : LALVETA IN
Chairman : Pu Chalmawia
Thingpui semna a awm bawk ang.

Hetia Kohhran a lo in dan takah chuan in dan nan hengte hi an pe : Thuthlengsai -10 (Hei hi hawhtir ang deuh a ni a), Belpui -1, Khawnvar mawng lian -1, Holy Bible -1. Kohhran in dan tirh hian member hi 200 vel niin Ni 19.10.1969 Pathianniah inkhawmna hmasa ber chu neih a ni a, Meeting Chairman atan Evan. T. Tumsanga; Thuhriltu atan Pastor J. Laltluanga te ruat an ni. Mahse anmahni hi an kal theih loh avangin Upa Lalzaruaia’n inkhawm a kaihruai a, Evan. Zachana’n thu a sawi a ni.

Tin, kohhran Hruaitu hmasa berte Church Board-in a thlante chu : Upate :-
1. Biakmawia 2. Chalmawia 3. Darhmingthanga 4. P Khawma 5. Lalhmuaka 6. Lalzaruaia 7. Pathiauva 8. K Vaidenga

Church Board Member te :
Chairman : Evan Zachana
Secretary : Bro. Khuangcheuva
Asst. Secertary : Upa Biakmawia
Treasurer (PRZ) : Bro. Lalzuithanga
Sunday Zing Treasurer : Upa P Khawma
Building Treasurer : Upa Lalzaruaia leh Bro. Kalkhama
Programme Secretary : Bro. Khuangcheuva

Tin, Upa bakah heng mite hi rawngbawltu hmasate an ni:
1. Evan Zachana 2. Lalzuithanga 3. Hualzika 4. Khuangcheuva 5. Sapbawii 6. Ngurtawna 7. Khawvelthanga

Biak in leh a hmun neih thu: Kohhran in dan tirh hian Biak in an neih nghal mai loh avangin, hun eng emaw hun chhung chu Pu Lalzuithanga te inah an inkhawm thin a, Kohhran pawh Pathianin a awmpui a, an hlim thei hle thin a ni. Hetih hun lai hian Biak in hmun an nei lo va, Kohhran hruaituten theihtawp chhuahin tuna Police Lane sei hmun khu, a hmun an neihna hmasa chu a ni a, hmun hma pawh an lai hman tawh tihin mimal atangin dodalna a awm avangin, tuna Biak in dinna hmun hi Police ram vek, Biak in sakna leng chauh a ni a, hemi hmun nei tur hian Kohhran hruaitu thenkhat Pu Lalzaruaia, Pu Hrangmuana, Pu Lalzuithanga te Aizawl-ah kalin, Pu F. Lalremsiama, IPS (Hetih hun laia Aizawl SP) hnenah vawi eng emaw zat kalin, ‘kan hmuh hma chu kan lo kal zel ang’ te pawh an ti ni awm tak a ni. Chutianga an dil an dil hnuah chuan, tuna Biak in hmun hi kan lo nei ta a ni. Land Lease nei lovin Rev. PC. Rosanga, Bialtu Pastor a nih laiin (Pukpui Bial), Kohhran hruaitute nen theihtawpa hma lain kum 2005 khan Land Lease pawh neih fel a lo ni ta a ni.

Tichuan, chhun leh zanah Petromax te chhiin a hmun laiin, Kohhranhote an hnatlang nasa thin hle a. Hetia Kohhran an lo in dan takah chuan, Biak in te sual nghal a ngai a, Biak in sakna hmanrua, thingzai te Kohhranin hnatlangin Rahsiveng mawngah zaiin, nasa taka thawkin Biak in sain Ni 21.10.1973-ah Biak in chu hawn theihin peih a lo ni ta a. Hetih hun lai hian a bang hi dap a ni a, a chung rangva niin, hei hi District atangin, hetih lai hian Rev. K Satinvela, District Pastor a nih lai a ni a, Rangva Bundle 4 pek an ni. Biak in tluang taka sak zawh a nih hnuah a hawnna hi Ni 21.10.1973-ah neih a ni a, a hawngtu hi Rev. K. Satinvela, District Pastor a ni a, Rev. J. Damhuala’n thu tawi a sawi bawk.

Chawhnuah leh zan lamah programme neih chhunzawm niin, Rev. Saihnuna’n chawhnu inkhawmah thu a sawi a; Rev. Lerthansunga’n zanah thusawina hun a hmang thung.

Sunday School hruaitu hmasate chu hengte hi an ni. Superintendent : Evan Zachana
Secretary/Treasurer : Sis. Lalkhawmi

LAD hruaitu hmasa berte chu hengte hi an ni :
President : Lalkhawmi
Vice President : Hmingi
Secretary : Vanlalmawii
Treasurer : Lawmkimi
Asst. Treasurer : Biakthuami

Hetih hun lai hian PYD hi a la ding lo va, Conqueror tih a la ni a, President hmasa ber chu Pu Biakkima a ni a, Vice President chu Pu Hrangkima a ni (Aizawl ah a awm tawh). Secretary chu R Thangchhinga a ni.

Kum 1975, April ni 5 atangin Venghlun Kohhran chu Venglai atangin lungrual takin an lo in dang ta a. Venghlun Kohhran in dan hnua Church Board Chairman hmasa ber; Upa K Vaidenga a ni a, Secretary hmasa ber chu Evan. Saithanga a ni. Kum 1976 atanah Church Board inruatna, Ni 18.01.1976 Dar 12:30 p.m-ah, Upa K. Vaidenga inah neih niin, member 7 an kal a, heta Chairman chu Rev. H. Chalchhunga a ni a, Acting Secretary chu Pastor K. Lalzarliana a ni. Venghlun (Bawng veng ni thin) Kohhran in dan hnua hruaitu ruat hmasak ber te :

KOHHRANPUI
Chairman : Upa Biakmawia
Secretary : Upa K Vaidenga
Treasurer : Evan Lalzuithanga
Church Board member te : 1. Pu Pathiauva 2. Pu Ngurtawna
Sunday School Secretary : Upa Hrangmuana
Sunday School Treasurer : Upa Biakmawia

BIAK IN THAR SAK: Ni 09.01.1994 zana Evan. Lalzuithanga ina Church Board Committee Rorel No.1-na chuan, Biak in sak that (Concrete-in) a rel a. Heta tang hian tih tak zetin Biak in sakna tur hi chawl lovin tuah chhoh zel a lo ni ta a. Ni 04.05.1995-ah Biak in thar ban chu chawh/laih hnatlang neih niin, hetah hian Bialtu Pastor, Rev. C. Darnghaka’n Biak in thar tur ban khur lai turte chu, Pathian hnenah tawngtaia hlanna neiin hna tan a ni. Ni 09.05.1995-ah Mistiri te chhawrin sak tan a ni a, thla kua (9) chhungin sak zawh a ni a, Ni 14.02.1996-ah luah luh a ni. Hun a lo kal zel a, member te pawh kan lo pung ve ta zel a, Biak in pawh zauh ve zel a ni a. Kum 2014 atangin tuna kan Biak in hma lam pang hi zauh leh chei tan niin, tun hi kan lo thleng ta a ni. Tunah hian Kohhran member zathum vel kan lawi mek a ni.

Tun dinhmun: Venglai Local-ah hian member 310 (kum 2025 report) an awm mek a, Upa - 4, Rawngbawltu - 3, General License Holder - 1 leh Ordination Licence nei -1 an awm mek a ni.

Kum 2025-2026 chhunga Local hruaitute : Chairman : Rev. Ralkapkunga Khiangte
Vice Chairman : Upa C. Zonghinga
Secretary & Statistician : Evan C. Lalremchhunga
Treasurer : Upa Zoramdina Ralte