A LO DIN DAN :

Kohhran a lo din hian Mizoram buai hma chuan, Rawpui UPC tih a ni a. Kum 1955-ah mi tlem te-in Kohhran an din a. Kohhran a lo din tirha hruaitute chu PC. Thangbawia, Robova leh Kawlhnuna te an ni.

DODALNA AN NEIH DAN :

UPC Rawpui tlang-a a lo din hian, VC lam atangte-in dodalna an nei a. Biak In hmun turte pawh an pe thei lo a. Chutia baihvai taka an awm lai chuan, Baptist Kohhran Upa, Pu K. Aitluanga pa, Upa Buibova chuan Rawpui Damveng-a a huan enkawl lai chu UPC Biak In hmun atan hian phal takin a sahthlaksak a. Biak In hmun tur chu lai zawl-in chumi hmunah chuan Maurap, a chung Thilthek-in Biak In chu a lo ding ve ta a ni. Mizoram buai hma, Chhim Bial ti-a sawi a nih lai hian Kum 1964-ah Chhim Bial Inkhawmpui lian chu Maurap Biak In-ah hian thlen a lo ni tawh a. Hetah hian Pu Tebawnga leh Rev. Darawia-ten rawngbawlna an nei a. Pu Tebawnga hian nakin huna thil lo la thleng tur, Saisih ruama thil thleng tur inlarna a hmuh thu te a sawi nghe nghe a ni.

Tin, he UPC Kohhran-ah hian Local License nei mi panga (5) an lo chhuak ve tawh a. Tunah chuan a then an boral tawh a, a then chu harsatna avanga rawngbawlna chhunzawm thei lo, License tihtawpsak te an ni. Kum 1966 Mizoram a buai a. 1967-ah sâwi khawm kan ni a, Bungtlang hi Group-in Center a ni a. Biak In pawh sak a ni a. Piler khua Bungtlang-a sawikhawm-te pawhin, hun rei lote chhung chu kan Biak In hi min tawm ve nghe nghe. Rambuai chuan zawi zawiin ziaawm lam a pan ve zel a. Tunah kan Biak In hmun hi BRTF hmun a ni a. Anni pawh an hnathawh zualpuite an zo a, an hmun hma rausan chu Biak In hmunah kan nei a. Maurap bawkin Biak In kan sa a. Kum 1981-ah Biak In hi sak that leh a ni a. Thlipuiin min tihchhiatsak avangin kum 1987 khan Biak In kan sa leh a. Rei kan luah hma-in thlipui bawkin min tihchhiatsak leh a. A chung Rangva, a bang Tile hmangin kan sa ve ta a. Hun a kal zel a, kan Biak In pawh a hlui deuh tawh avangin Kum 2019 atang khan RCC-in Biak In sak hna kan thawk tan leh a, tunah hian kan zo tep tawh a ni.

BUNGTLANG LOCAL TI-A KOH ALO NIH CHHAN :

Mizoram buai te a lo reh chhoh tak zelah chuan, sawrkar-in mahni khaw hlui lamah a duh tan let theih a lo tih takah chuan, Rawpui hmunah hian Chhungkua eng emaw zat an phei a. Kohhran te an din a, Rawpui Local a lo piang ta a. Bungtlang lam pawh khawtlang roreltuten veng hming te an vuah a. Keini Bungtlang-a awmte chuan Bungtlang Chhimveng UPC tih kan lo hmang ta a ni. Kohhran inpumkhatna a tha a. Eng emaw chang chuan Kohhran chhungkua-ah buaina han neih chang te awm bawk mahse; Pathianin a Kohhran chhiat hi a phal lo a. Tunah chuan Kohhran-ah inpumkhatna tha tak kan nei a, member pawh 130 chuang kan awm mek a ni. Upa pali, Rawngbawltu 8 leh Upa Pension 1 kan awm mek a ni. Record hlui tam tak hmuh tur a awm tawh loh avangin tihhmaih leh tihsual a lo awm thei a, ngaihdam kan dil nghal a ni.

Kum 2025-2026 term chhunga Kohhranpui hruaitute :