KOHHRAN CHANCHIN BUL TAN DAN

Kanghmun ‘S’ khua hi Lunglei leh Thenzawl inkar tlang dung, Thenzawl lam hnaih Lunglei District huam chhunga awm, Chhipphir biala awm a ni a. He khuaah hian Ni 17.3.1962-ah member 8 chauh awmin Kohhran din a lo ni tawh a. Kohhran ngelnghet tak a nih dan te chu Lunglei District UPC chanchin phek 111-ah ziah lan a ni tawh a. Kum 1995 thleng khan kohhran duhawm tak an ni a. Vanduai thlak takin Local hruaitute zingah thawh ho harsatna awmin inthen duhna hial a lo awm ta a. He boruak hian zia lam a pan mai theih loh avangin Ni 24.8.1995-ah awm hran mai thaa hriain inhmuh khawmna neih a ni a, hengte hi hruaitu atan ruat an ni :

• Chairman : Bro. C. Zathanga
• Secretary : Bro. Thangliana
• Treasurer : Bro. Lalluma

Tichuan, inkhawm hranna te neih a ni a. Kanghmun vengthlang lamah Biak in pawh daprapin sak nghal a ni a, Kanghmun Vengthlang Local tih an ni. An chhuahsan tak, veng chhak Local lam chu Mizoram UPC lamah an kal ta a, Biak in leh a hmun te an chuh avangin Court hial thlen a ni. Kum 2000-ah UPC North East India Golden Jubilee lawmna atan leh hriatrengna atan ngaihdam a, thubuai pawh hnuh let a ni a, Biak in pawh an chang ta a ni. Hetia veng chhak lam Local an awm tak loh avang hian, Vengthlang Local tih pawh chu ngai tawh lovin Kanghmun ‘S’ Local tih a lo ni leh ta a ni. Hetia an awm hran lai hian member 34 an ni.

BIAK IN SAK DAN

An Biak in hmun chu World Bank kawng laihin a tih chhiat avangin, Compensation-ah Rs. 1,08,025.00 an la a. Tin, hei bakah hian World Bank-a thawk Pu Sapchhunga’n hmun dangah Biak in hmun Rs. 4,000.00-in a leisak bawk a, Kohhranhote an lawm hle. Biak in thar hmun tur chu laiin an hah hle a. Kohhran dang pawhin an puih nasat bakah, World Bank Motor-in a laihsak bawk a ni. Tichuan, Ni 13.2.2006-ah ban khur chovin Biak in sak tan a ni a. A ban leh Skirting chin Cement niin a bang Tile, a chung Rangvaa sak a ni a. A dung lam 39 ft niin avang 18 ft-a zau a ni. A chhung bungrua pawh changtlung takin an nei a.

Biak in tuna an luah lai mek RCC-a sak hi Biak in pa 3 an sakna a ni a, a dung feet 52 niin, avang lam hi feet 26 a lian a ni.

TUN DINHMUN

Tunah hian member (kum 2025 report) ah an awm mek a. Upa 3 leh rawngbawltu 7 an awm mek.

Kum 2025-2026 chhunga Local hruaitute chu :

• Chairman : Upa R. Vanlalliana
• Secretary : Rbt. C. Vanlalrokima
• Treasurer : Rbt. Lalthazuali