He Local hi Thenhlum bial chhunga awm thin a ni a. Zalwpui Bial a pian hnuah Zawlpui Bial chhungah a awm ta a ni. Tuisen lui leh Kau lui infinna, a kar mual zing zuma awm a ni. Tun hma chuan tuna an awmna atanga hmar lam km 3 dawn laia hlaah an awm a. Hei hi Changpui ram chhunga awm a ni. Khaw din hmasatu Bolia chuan ram neitute dila din a ni a, khaw thar an kai hnu pawh hian 'Bolia veng' tih chu an la chhawm zel a ni.

Bolia Veng hi in 150 vel an ni a, UPC ni sa tlem te an awm a, a bak zawng chu Baptist Kohhran an ni a. District Missions Department tirhin Dt.2.2.2006-ah Evan H. Rothuama, Putlungasih leh Evan. Andrew Lalremsanga te chuan Bolia veng hi an lut a. He khuaah hian UPC ni sa tlem te an awm a. An rawngbawlna atangin ram a kal a, mi 7 (pasarih) in Baptisma an chang a, member 41 an tling ta mai a. Insawh nghehna atan Adhoc-in hetiang hian Dt. 5.2.2006-ah puipa an rem a.

District Superintendent, Rev. C.S. Pachhunga leh Pastor R. Vanlalenga hnenah thil awmzia an thlen thuai a. Bialtu Pastor R.Vanlalenga chu Dt. 17.2.2006 (Inrinniah) a kal a. Pathianni a hmanpui a. Dt.19.2.2006 Thawhtanniah hetiang hian Kohhran chu a form tha ta a ni.

Church Board :

Thenhlum biala an awm lai hian Local member-te an tam loh avang leh ram beiseina avangin, Bialin thawktu - Evan Lalmuankima (Lungchem), Bro T. Lalrinawma (College Veng) te an chhawr a, District hmalaknain Rbt. Lalramnghaka (Rahsiveng) te an awm tawh bawk.

Tun dinhmun :

Kum 2025-ah hian member 26 niin, karchhuak nen chhungkaw 4 an ni. Biak in RCC-a sain Date 6 May 2022 khan Rev. C. Vanlalena, District Superintendent-in lungphumna neiin, Rev. R. Lalrosanga, Former District Superintendent-in a tawiawm. Biak in sak tan nghal a ni. Biak in len zawng hi 27/18 Feet a ni.

Kum 2025-2026 Kohhran hruaitute :