Kohhran Chanchin A Hma Lam Leh Lo Pian Chhuah Dan

Kohhran chanchin leh lo pian chhuah dan sawi dawn chuan, chanchin a chian zawk nan, a hma lam tlem han tarlang hmasa ila. Kum 1959 Mautam kum khan Herhse khuaah J. Laltluanga, Thangte khua leh a thian ten rawng an bawl a, an thusawi chu mi tam tak ten dik an ti a. Pu Hrangtlinga, Pi Chhinkung, Pu Aimawia, Pi Mangchiaii, Tv. Darkima, Tv Sangvunga, Tv. Lalhnara te chu Mualcheng ‘S’-ah kum 1959 March, UPC inkhawmpuiah an kal ve a. Rev. Zahlira kutah Baptisma an chang a, an hawng a, UPC Kohhrana awm duh te hming, Tv. Darkima, Tv. Sangvunga leh Tv. Lalhnara te chuan an ziak a, mi 50 lai hming an ziak a ni. Chung an ziahte zingah chuan Baptist Kohhrana rawngbawltu ni lai, Pu Sapkunga leh Pu Chhunkunga te hming an ziak tel a, Baptist Kohhran atang chuan mi 50 zetin UPC Kohhran chu zawmin, inkhawmna Pu Lalkima inah neih a ni a, Bialtu Pastor Rev. Zahlira a lo kal a, 1959 April thlaah Baptisma khur hawn niin mi 50-in Isua hmingin Baptisma an chang ta a ni.

Kohhran form-na, Bialtu Pastor chuan nei nghalin heng mite hi ruat an ni:

• Chairman : Upa Chhunkunga
• Secretary : Upa Sapkunga
• Treasurer : Upa Kapmanga

Biak In sak tan a ni a, kum 1959 kum vek hian luah nghal a ni. Member an pung chak hle a. Rambuai avangin Herhse daiah MNF Army leh Assam Rifle te nasa takin an inkap a, Ni 30 September 1968-ah Tawipui-ah sawi khawm an ni ta a ni. Herse khua hi Tawipuia sawi khawm hmasak ber khua an ni a, khaw dang chu 1969-ah sawi khawm an ni. Herhse veng chu veng laili-ah an awm a, Biak In an nei nghal bawk a, khaw hrang hrang sawi khawma Kohhran member - Thlengang, Mualthuam S, Thualthu, Tawipui, Tawite atangtein an lo fin nghal a.

Kum 1970-ah chuan Kohhran inpumkhat nan Kohhran chu Rev. Chuauruma’n hetiang hian a form tha ta ni:

• Chairman : Upa C. Lalrinsanga
• Secretary : Evan. K. Lalzarliana
• Treasurer : Upa Sapkunga

Member-te : Upa Chhunkunga, Upa Sawichhuma, Kapirha, Rokunga, Kapmanga, Dohmunga, Papuia, Aisanga (Thlengang), Malsawma (Thlengang), Tawklinga, Zachhuma, Lallawma, Paliana (Tawipui), Kapliana (Mualthuam), Ngunirha (Thualthu).

Tawipui-N UPC Din Dan Leh Than Duang Dan

Kum 1973 atangin sawi khawm tin darh a ni a, Herhse veng pawh Tawipui - N tiin phuah a ni ta a. Dt. 3 October 1973-ah chuan 'Tawipui -N UPC' tiin Kohhran chu a lo ding ta a ni. Kohhran din tan tirh lai hian Kohhran member 80 an awm a, Kum 2025-ah chuan Kohhran Member pawh 330 lai mai an lo tling ta a ni. Kohhran lo din ni Dt. 3 October 1973 atanga vawiin thleng hian Pathian hruaina ropui tak a chang reng a, a chhung lam leh pawn lam atangtein beihna nasa tak a tawh chang te awm thin mahse la, Kohhran inthenna an la tawk lo hi an lawmna ti zualtu a ni. Zirtirna dang lakah Kohhran a lo him theih nan thahnemngai leh, taima taka Pathian rawn chunga Kohhran enkawl tlattute avangin, khaw dang leh veng dangin harsatna an tawh lai pawhin, harsatna Pathian zarah an tawk ve lo a ni. Lalpa thlarauin Kohhranhote a hruai a, inthen hrannate, lungawi lohna te awm lovin, inpumkhatna tha tak nen hma lam panin an kal zel a ni. Kohhran hmangaih tlat mi hruaitute thawhrimna azarah, Kohhran memberte pawh an pung zel a ni.

Ni 3 October 1973-a Kohhran a lo dina hruaitute chu heng mite hi an ni:

• Chairman : Upa Chhunkunga
• Secretary : Upa L. Malsawma
• Treasurer : Upa C. Lalrinsanga

Member-te :
1. Upa. Sapkunga   2. Upa. Papuia   3. Rbt. Tawklinga
4. Rbt. A. Sangvunga   5. Rbt. J. Zaluanga

Bial Headquarters leh License Neitute

Kum 1982 atangin Tawipui N-II Local hi Tawipui Bial Headquaters (Centre) ah hman niin, Pastor Quarters atan hian Pu Vankunga In sak sa, Rs. 2500/- in Bialin a lei a, Rev. PC. Doliana’n a luah nghal a. Tun hun thleng hian Bial Headquarters Local a ni.

Tawipui N II Local atanga License nei tawhte pawh heng mite hi an ni:

1. Rev. Hrangtlinga    2. Evan. K. Lalzarliana    3. Evan. J. Zaluanga
4. Evan. Kapirha    5. Evan. T. Laltlawmloa

Biak In Neih Leh Sak Chhoh Dan

Biak in Pakhatna : Tawipui N-II-ah hian Biak in pakhatna hi Dt. 18.06.1975-ah sak tan a ni a. Dt. 31.05.1975-ah hawn nghal a ni.

Biak in Pahnihna : Biak in pahnihna hi Dt. 18.03.1981-ah 19 x 30 fts-a lian-a sak a ni a. Dt. 1.10.1990-ah a thar sak duhna avangin thiah leh a ni.

Biak in Pathumna : Dt. 02.10.1990-ah hian Biak in pathumna tur hi 24 x 40 fts-a liana sak tan leh nghal a ni.

Biak in Palina : Biak in palina hi Dt. 21.06.1999-ah hian feet 30 x 52-a liana sak leh a ni a. Dt. 01.07.2000-ah khan Biak in thar hi luah luh a ni. Biak in hi sak chhunzawm zel a ni a, Biak in hi Dt. 21.10.2006-ah hawn a ni a, ran talhin ruai nen hlim taka hun hman a ni a, Rev. CS. Pachhunga, District Superintendent-in a hawng a ni. Tuna kan luah lai mek Biak in palina hi Lunglei leh Lawngtlai inkara RCC Building Biak in hmasa ber a ni.

Department Hruaitu Hmasate

MISSIONS DEPARTMENT :
Missions Department hi Dt. 10.02.1980-ah din tan a ni.

• Secretary/Treasurer : Upa C. Lalrinsanga

SUNDAY SCHOOL DEPARTMENT :
Sunday School Department hi Kum 1977-ah din tan a ni.

• Superintendent : Upa L. Malsawma

Zirtirtute :
Puitling : Upa Chhunkunga
Intermediate : Upa C. Lalrinsanga / Bro. Hrangnghilhloa
Junior : Bro. T. Sangkhuma / Sist. K. Thangzuali
Primary : Sist. K. Thangzuali / Bro. C. Rohmingthanga

LADIES AUXILIARY DEPARTMENT (LAD) :
Ladies Auxiliary Department hi Dt. 04.08.1974-ah din tan a ni a, a din tirh hian member 26 an ni.

• President : Sist. Hlawniangi
• Vice President : Sist. Cherchuaii
• Secretary : Sist. C. Lianhrangi
• Treasurer : Sist. Lalchawli
• S/Adviser : Upa Chhunkunga

PENTECOSTAL YOUTH DEPARTMENT (PYD) :
Pentecostal Youth Department hi Dt. 02.04.1976-ah din tan a ni.

• President : Upa C. Lalrinsanga
• Vice President : Bro. A. Sangvunga
• Secretary : Bro. A. Laikunga
• Asst. Secretary : Bro. C. Rohmingthanga
• Treasurer : Bro. C. Chhuanmawia
• Fin. Secretary : Sist. T. Laltanpuii

PENTECOSTAL CHILDREN DEPARTMENT (PCD) :
Pentecostal Children Department hi Kum 1987-ah din a ni a (a tirin Pentecostal Naupang Pawl tih a ni a, Kum 2006-ah PCD tiin thlak a ni).

• Convener : Bro. C. Zairemsiama
• Singing Master : Bro. T. Lalthianghlima
• Pawisa enkawltu : Sist. Lalparmawii

PENTECOSTAL MEN DEPARTMENT (PMD) :
Pentecostal Men Department hi Dt. 02.02.1997-ah din tan a ni.

• President : Bro. H. Hranghngilhloa (Pahranga)
• Vice President : Bro. T. Neihsanga
• Secretary : Bro. K. Lalhluna
• Asst. Secretary : Bro. F. Darkima
• Treasurer : Bro. F. Buanthanga
• Fin. Secretary : Bro. C. Lalruata

Tun Dinhmun

Tawipui N II-ah hian member 334 (kum 2025 report) an awm mek.

Kum 2025 – 2026-a hruaitute :

• Chairman : Upa T. Rinkima
• Vice Chairman : Upa C. Rohmingthanga
• Secretary : Upa J. Vanlalhruaia
• Asst. Secretary : Rbt. LC. Lallianzuala
• Treasurer : Rbt. J. Lallianmawia
• Statistician : Rbt. A. Siammawia