Kohhran lo pian dan

Kum 1959-ah Pastor Lalbiakthanga’n Biate khuaah, ‘Tihdamna Maicham’ tih thupui hmangin rawngbawlna a nei a, hei hi Mizoram hmun hrang hrang atangin an chhim nasa hle. Lalpa Isua hmingin mi tam tak an dam nghe nghe. He rawngbawlna hi Thingsai khua atangin, Pi Mendawki, Pi Thanrumi, Pi Hniardawngi ten an han chhim a, a hnuah Pu Vannghinga leh a nupui, Pi Tialthliaii, Pu Hrangkima, Pi Kapnghingi leh Thangruma te, he rawngbawlna chhim ve tura kal mekte leh Pi Mendawki te lo haw lam chu Lui teah an intawk a, an hlim em em a, Pi Mendawki te chuan, “U Van, in lo haw hunah UPC kan din dawn nia aw,” an ti nghe nghe a ni.

Pu Vannghinga ten he rawngbawlna an han chhim lai hian, Pastor Lalbiakthanga chuan, “He maicham siamna tur atan hian Baptist Biak in kan dil a, an lo phal lo va” tiin a sawi a. He mi chungchangah hian Pu Vannghinga chuan, “He thu a sawi hian ka thinlung a deng zawr mai a, UPC Biak in maurap In te tak te a, Isua hminga dam an tam zia ka hmuh khan, ‘UPC Biak in ngei hi Lalpa chenna a lo nih hi’ tiin UPC din duhna ka lo nei ta a ni” a ti.

UPC a ding ta

Pu Vannghinga te Biate atanga an lo let hian, Lungkawlh Lal fapain Thingsaiah hian rawngbawlna a nei a, Pathianni chhuna a thu sawi, ‘Dan bawhchhiatna thuruk’ tih a sawi chuan Pu Vannghinga rilru chu a hneh ta em em a, Baptist Kohhran chuan Thlarau hnathawh chu an pawm loh avangin awmna tlakah a ngai ta lova, mi hlim deuh deuhte chu sawm khawmin, Dt. 8.3.1959 (Sunday) ah mi 30 velin hming ziakin an inkhawm hrang a, Thingsai khuaah Pentecost Kohhran chu a lo ding ta a ni.

A bul tantute

Kohhran lo din ni a, a bul tumtu hmasate chu Pu Vannghinga, Pu Thatchhuma, Pu Hrangchema leh Pu Nawlchhuma te an ni.

Inkhawmna hmasa

Chutia an inkhawm hrang ta chu, Biak in an la neih loh avangin Pu Thatchhuma inah an inkhawm ta rih a ni. Hun a lo kal zel a, tuna Biak in hmun hi tun hma deuh a, naupang School (Nursery) hmun a ni a, chu chu dilin, chutih hun laia VCP, Pu Bawrthanga chuan UPC Biak in hmun atan pein, kum 1962-ah Maurapa Biak in sain mimal in atang chuan an insawn chhhuak ve ta a ni.

Member lama hmasawnna

Kohhran din tirhah chuan member 30 vela chhiar an ni. Kum 1961-ah Pastor Saihnuna’n Thingsaiah rawngbawlna a rawn nei a, Pathianin mal a sawm em em a, Ni18th May, 1961-ah chuan mi eng emaw zatin Baptisma changin, member thar 80 vel lai Kohhranah lawm luh an ni. Rev. Saihnuna hi thla khat dawn (ni 3-in thla khat a tling lo) a cham a ni.

Kum 1971 May thlaah, Thingsai hmunah hian Lunglei District PYD Conference neih a ni a, hemi tum hian Thingsai Baptist Kohhran Biak inah, ‘WCC a tel leh tel loh’ tih thupui hmangin Debate ropui tak neih a ni a, he debate-ah hian, Rev. Lalchungnunga, BD chu Chairman a ni a, UPC lamah Rev. HL. Ruata, Pastor Tumsanga leh Rev. Ralianga te an ni a. Baptist Kohhran lamah Rev. Lawmsanga, Rev. Lalhmingthanga leh Upa Pakunga te an ni. He debate-na atang hian Upa MC. Lalhulha, H. Bualpui leh mi thahnem takin Lalpa Isua hminga Baptisma changin UPC Kohhran chu an rawn zawm e leh a ni. Kohhranhote chu kan lo pung zel a, rambuai tirh khan 300 (za thum) an tling chho hman a ni.

Rambuai leh tam ten a tlakbuak tak avangin mi eng emaw zat an pem chhuak a, hun a'n kal leh det a, eng emaw zatin APC lamah an chhuahsan leh ta bawk nen, member pawh 230 velah an tla thla leh ta a ni. Kum 1999-ah member 420 lai an tling chho leh mek tihah, Setana hnathawhna avangin a zat ve deuh thaw chu Mizoram UPC lamah an chhuak ve leh ta a ni. Tunah (2021) hian member 240 vel an ni chho leh mek a ni.

Thingsai Kohhrana atanga rawngbawltu chhuah tawh dan

Pastor :
1. Rev. VL. Hmuaka

Licence Holder :
1. Evan. Vannghinga
2. Evan. Lalnghinga
3. Evan. Romuana
4. Evan. T. Lalremsanga

Bible Women :
1. Sist. Chuauziki (Zikdawki)

Kohhran Upate :

• 1. Vantluanga
• 2. Tialchhuma
• 3. Tialthanga
• 4. B. Vanlalchhuana
• 5. Lalhulha
• 6. F. Zothankhuma
• 7. Chalchhuma
• 8. MC. Hramvunga
• 9. Kapchawla
• 10. F. Zothansanga
• 11. K. Remmawia
• 12. R. Lalvulliana
• 13. Thanghaia
• 14. H. Lalramhluna
• 15. Rothanga
• 16. MC. Lalkhuma
• 17. Thanchuanga
• 18. C. Chhuanawma

Rawngbawltu lo ni tawh te :

• 1. Rokunga
• 2. M. Hrilkunga
• 3. Sangliana
• 4. C. Lianthanga
• 5. Hramtlaia(Teleuva)
• 6. Mawnglinga
• 7. Lianchhunga
• 8. Israel Lalbuatsaiha
• 9. Lalchhuanga
• 10. Lalropuia
• 11. Hrangngiara
• 12. Chuaukunga
• 13. Hrangkima
• 14. F. Lalrodawla
• 15. Hrangluaia
• 16. Lianzingi
• 17. Chhuanmawia
• 18. Vanlallawmi
• 19. Zadinga
• 20. Biakhnemi
• 21. M. Lalremsanga
• 22. Biakzawni
• 23. PC. Lalremkunga

Hruaitu lo ni tawh te

Hruaitu hmasa :
Hun hmasa lama hruaitute record hmuh tur awm lo mahse, hengte hi hruaitu hmasa berte chu an ni :

1. Pu Vannghinga
2. Pu Thanchunga
3. Pu Thatchhuma
4. Pu Hrangchema
5. Pu Nawlchhuma

Biak in tun din dan

Tuna Biak in hmun hi tun hma chuan, Naupang School (Nursery) awmna thin a ni a. Khatih hun laia VCP, Pu Bawrthanga hnenah khan, Pu Vannghinga’n Biak in hmun atan a dil a. Dil ve dangte pawh awm mahse; UPC Biak in hmun atan chuan miin pe ta a ni.

Biak in 1-na :
Biak in hmasa ber chu kum 1962-ah Maurapin sak a ni a, hun eng emaw chen luah a nih hnuah Thlipuiin min tihchhiatsak hlauh mai a, Kohhranhote rilru a nain hreawm kan ti tlang hle.

Biak in 2-na :
Kum 1967-ah Biak in thar sa lehin, a dung 36ft leh a vang 24ft-in rel a ni a. Rambuai lai te a nih avangin Biak in hnatlang neih pawh a harsain an sa hlei thei lo va. Chutih lai chuan Pu Vannghinga chuan a makpa, Pu Vantluanga sawmin Thingsai sipai (AR) Post Commander Capt. Lsj Negi-a hnenah Coolie(kuli) awla Biak in hnatlang thawhtir turin an han dil a. Nimahsela Post Commander hian a tirah chuan a lo remti lo va. A hnu lawkah chuan mak tak maiin a rilruah Pathianin hna a thawk a, Thingsai, Cherhlun, Ngharchhip leh Bualpui khua atangin UPC Biak in sakna tur chak, Di leh Mau dah turin Coolie 50 theuh a tir ta hial a, tichuan Biak in chu sak zawh a lo ni ta a ni.

Biak in 3-na :
Kum 1979-ah Biak in chu a chung Rangva leh a bang Thingphela sak that leh a ni a. District-in a chung tumsakin, Local dang ten an pui bawk a, 1980 kumah sak zawh a lo ni ta a ni. He Biak in hi Kum 1985-ah Bial inkhawmpui denchhenin, District Superintendent aiawh Rev. Saidawla'n ropui takin hawnna a nei a, Sial leh Vawk talh a ni a, kan hlim hle a ni. Tin, a chhuat hi Cement-in kum 1988 khan zut a ni.

Biak in 4-na :
Kum 2002-ah Biak in thar tur tuak tan lehin, a hmasain Ni 2.3.2002-ah Brick siamin rawh a ni a, tin, thing te pawh zai a ni. Rim takin, hah takin leh Phur tak siin Biak in chu Rcc ban leh Beam, a bang Brick vekin sak chhoh a ni a. Luah pahin sak zawm zel a ni a, tichuan kum 2013 Marh ni 25-ah Biak in thar mawi tak chu Rev. R. Lalrosanga’n Isua hming a hawng ta a ni. Hemi ni hian Sial leh vawk talh a ni a, kan hlim hle a ni.

Thingsai Local-in inkhawmpui a lo dawl tawh te

1. Chhimbial District Conference : Ni 10-13 October 1963
2. District PYD Conference : Ni 13 - 16 May, 1971
3. District PYD Conference : Ni 3 - 6 March, 1995
4. Joint Revival Thingsai bial & Cherhlun bial : Ni 9-11 September 2005
5. LAD Bial 4 Revival : Ni 1 - 4 June, 2007
6. PYD Bial 3 Revival : Ni 30.3 - 1.4.2012
7. PYD Joint Revival, Thingsai & Cherhlun bial : Ni 28 - 30 April 2017

2025-2026 Thingsai Local hruaitute

Chairman : Evan.T. Lalremsanga
Vice Chairman : Upa MC Hramvunga
Secretary : Rbt. F. Lalsawmzuala
Asst. Secretary : Rbt. H. Lalramhluna
Treasurer : Upa B. Vanlalchhuana
Statistician : Rbt. Israel Lalbuatsaiha