Thuampui UPC Kohhran hi Kohhran record-a kan hmun theih hla berah chuan, a din kum hi kum 1961 February ni 18 a ni a. Sawi dan dang lehah chuan kum 1959 mautam kumin din anga sawi pawh an awm bawk. A dik ber hriat a har tawh avangin, ziaka record awm hi rin a ni zawk ta a ni. A dintute hi heng mite hi an ni.

An nihna invuah dan hi kan hre thei lo. Hetih lai hian member pawh 30 bawr vel nia inchhal an ni.

Tun hma chuan Sertlangpui bial hi Thuampui bial tih a ni thin a, Bial Centre-ah pawh Thuampui hi hman a ni. Kum 1981 February atangin Sertlangpui bial vuah a ni ta a ni.

A dintute zinga a chanchin kan hriat theih ber chu Pu Kawlnia a ni a, ani hi Kohhran hmangaih tak mai mi a ni a, rambuai hruai khawmah Hauruang lama hruai khawm an nih avangin, Kohhran bungrua Belpui, Dar leh khuang te chu mahni bungrua ai pawha ngai pawimawh zawkin, hruai khawmna hmun Hauruangah a phur thla ngat ngat a, hruai khawm haw lehin heng bungrua te hi amah bawk hian a hawn let leh a ni. Tun thlengin a fate pawh Kohhran tana mi tangkai tak tak an la ni hlawm.

Kohhran a din tirhah member te an tlem avangin, Kohhranpui tih loh PYD leh LAD chu a ding nghal mai lo va, a hnu deuh Kohhran a lo phuisui deuh hnuin din a ni hlawm ta a ni. Hetiang hi an din dan a ni.