KOHHRAN LO DIN DAN:

Kum 1952-ah Samlukhai atangin Pu Challianruma te chhungkua Buarpuiah an pem a, anni hi mi hlim chhungkua an ni. Pu Ruma chuan Isua Pathianna te sawiin rawngbawlna a nei thin a. A thusawi te ngaithla thinin, Pi Zanghingi, Pi Hmingi, Pi Darpuii, Pu Thangbanglova te nupa, a fanu Pi Tansiami ten kum 1961-ah Isua hmingin Baptisma an chang.

Kum 1966-ah heng mite hian Baptisma, Isua hmingin an chang : Mualtawna, H. Zoliana, Lalnunmawia, Lalrammawii, Pi Lalsiami te an ni. Baptisma an chan hnu hian inkawm ho thinin, Pathian thu te an sawi ho thin a ni. Kum 1969-ah rambuai hruai khawm a ni a, Buarpui-ah hian Changpui khua atanga UPC ni sate nen Biak in sain Kohhran a ding ta a ni. Kum 1969 atangin tun thleng hian mei mit lovin Kohhran a ding ta a. Kohhran lian zawk, Baptist hmun niin Kohhran member erawh an pung chak lutuk lo. Kohhran hruaitu hmasa hriat theihte :

BIAK IN CHUNGCHANG :

Kum 1969-ah Biak in sak nghal a ni a, Kohhran pawh an pung chho ve zel a, kum 1978-ah thiah leh a ni a, kum 1992-ah Biak in sawnin khaw hlui tlang atangin Ramhlun Biak in hmunah hian sak a ni. Kum 1998-ah sak that leh a ni. Hei hi Assam type-in sak that leh a ni a. Rev. Ralkapkunga Khiangte-in a hawng. Ruai nen ropui taka hun hman a ni.

Tuna Biak in luah mek hi RCC-in sak a ni a, Kum 2021 khan Rev. C. Vanlalena, Dist Superintendent-in lungphum a phum a, Biak in len zawng hi 48/22 Feet a ni. Tunah hian luah luh a ni tawh.

TUN HUN :

Tunah hian member 57 (2025 report) awm mekin, Department hrang hrang pawh mumal takin din a ni.