KOHHRAN DIN DAN

Tleu Local UPC hi 29th March, 1963 kuma din a ni a, Rev. H. Tebawnga hova din a ni. Hetiang hian hruaitute an in-form nghal a ni.

Secretary/Treasurer - Upa Lalkhawnghinga

Anni pahnih hian Tleu Local UPC hi kaihruaiin chawl miah lovin kum 1984 thleng, an hna ngaiah hian thawkin Kohhran an enkawl a ni.

Kum 1959 kum velah khan Unaupa Valliana chu Lungsen lamah kalin, UPC Kohhran zirtirna te lo hre vein, Isua hmingin Baptisma a lo chang tawh a, an khua Tleu-a a hawn hian tumahin a thurin leh zirtirna ang zawm ve an la awm loh avangin, inkhawmpui pawh nei lem lovin a lo awm ve tawp a, he tih hun lai hian Tleu Khua hi Baptist Kohhran mi leh sa vek an la ni. Chuvangin pawl dang han din pawh a har viau awm e, UPC lo ding pawh hian Biak in hmun te an han dil pawhin, daifem hmun an kawhhmuh a, UPC awm hmasate pawh hi an lungawi lo hle a ni awm e.

BIAK IN

Rev. H. Tebawnga hova Tleu Local-a rawngbawlna an neih lai hian, Kohhran la ding lo a nih bawk avangin Pu Lalkhawnghinga F/o Evan. Kenny Biakkunga inah inkhawmna an nei thin a, kum 1964/1965 kum velah hi chuan Maurap-in Biak in te sain inkhawmna an nei ve thin a ni. Mahse kum 1966 kumah ram a lo buai khan, vaiin an Biak in te chu an halsak leh a, Biak in nei lo bawk chuan an awm leh ta a ni. Ram a buai tak em avang chuan ramhnuaiah te tlan chhiain hun eng emaw ti chen chu ramhnuaiah an awm a, khuaa an han luh leh chuan Vengsang tlang pangah chuan, Biak in an han sa ve leh a, kum 1968 kumah Bunghmunah Sâwi khâwm an han ni chho ve leh a, Sâwi khâwmnaah hian Kohhranho ten Biak in an nei remchang ta rih lo va, inkhawmna atan Upa Lalkhawnghinga te in bawk an hmang leh ta a ni. Sâwi khâwm chhung zawngin Pu Khawnghinga te inah hian an inkhawm thin.

Sâwi khâwm an han chhuak leh chu, kâwn tak mai thingpui hmunah chuan Biak in te chu an han sa leh a, a hawnna te an han nei ve bawk a. Hetia Sâwi khâwm an chhuah leh hi chuan a khuain UPC Kohhran an ni ta deuh vek a. Chhungkaw 3 vel chiah Kohhran dang an awm ta a. Tichuan Kohhran dang (BCM) la awm chhun thenkhatin UPC an zawm a, a then Bunghmun lamah an awm tak a vangin BCM Biak in sakna hmunah chuan UPC Biak in chu sak a ni ta zawk a ni.

THIL CHHINCHHIAH TLAKTE

Kum 1987 kum velah hian, Kohhran member, mi tangkai leh hruaitu thenkhatte an pem darh tak avangin Kohhran chu an baihvai leh ta hle mai a. Upa Zakaia hovin Unaupa Biakkunga te nen, Kohhran an han enkawl a, a hnu deuh lawkah Unaupa Kenny Biakkunga te chu Thenhlum lamah an pem ve leh ta zel bawk a. Nimahsela a khua maia Kohhran pakhat chauh ni ta chu, hma lam pan ve zelin rawngbawltu thar leh mi hman tlak deuhte chu hruaitu atan an han ruat nghal ve zel bawk a. Kohhran chuan hma lam a pan ve ta zel a ni.

Kum 2005 kum tirah Tleu Khaw hlui atangin tuna an awm mekna, khaw hlui atanga KM 2 vela hlaah hian insawn pheiin April thla velah chuan, khaw hluiah hian chhungkaw 3 vel an la awm nghe nghe a ni. Khaw tharah hian Upa Lalrinliana Sailo te chhung chu pem phei hmasa berin, Local Chairman hna a thawk chhunzawm a, Upa Lalhmachhuana chuan Secretary mawhphurhna a chelh bawk a, Lalhmangaihzuala Sailo chu Treasurer a ni bawk.

TUN DINHMUN

Member Puitling leh Nauban Statistics (2025 Half yearly Statistic Report):
Tleu Local-ah hian tun dinhmunah Member 127 (Mipa 66, Hmeichhia 61) an awm mek a ni.

2025-2026 Kohhran Hruaitute: